Sot, Dorëheqja është Detyrim!
Sot Partia Demokratike me aleatët opozitarë organizon Protestën Kombëtare kundër skandalit Rama – McGonigal, me moton “Faktet dolën – Dorëheqja është detyrim”!
Por, sot, çdo shqiptarë duhet të protestoj jo vetëm kundër një njeriu që korruptoi një zyrtarë të lartë të FBI-së për qëllimet e tij politike, por, kundër njeriut i cili çdo qëllim politik e arriti me korrupsion që nga momenti kur u fut në terrenin politik!
Sot, shqiptarët duhet të protestojnë kundër njeriut i cili vetëm pas një mandati në krye të Bashkisë Tiranë, përkundër propagandës për punën e madhe që bënte, u detyrua të vjedh votat për mandatin e dytë sepse të gjitha sondazhet e deklaronin humbës!
Sot, shqiptarët duhet të protestojnë kundër njeriut i cili vetëm pas një mandati në krye të partisë më të madhe opozitare, PS, i vuri flakën Shqipërisë sepse nuk fitonte dot. Nxori videon e aleatit të PD, ldierin e LSI, Ilir Meta duke numëruar para korrupsioni, për ti bërë thirrje popullit për një protestë të dhunshme, dhe pas 21 Janarit 2011 të përgjakshëm, po me këtë aleatë të korruptuar të PD firmosi Marrëveshjen me dorzan presidnetin e Serbisë, për ta rrëzuar Sali Berishën nga pushteti!
Sot, shqiptarët duhet të protestojnë kundër njeriut i cili vetëm pas një mandati si Kryeministër dhe përkundër propagandës se po bënë reforma rrënjësore u detyrua të korruptoj FBI-në përmes zyrtarit të lartë Charles McGonigal sepse përballë Zyrë Kryeministrore kishte një Çadër të Lirisë e cila përbashkoi demokratët dhe jo vetëm, pas një debakli me të cilin mburrej fituesi me 1 milion vota! Paratë e pista të një lobimi të liderit demokrat, Lulzim Basha, i shërbyen këtij Kryeministri që njehë vetëm korrupsionin, që përmes hetimit të FBI-së të shembë Çadrën e Lirisë, liderin demokratë dhe të korrë një fitore ndonëse të gjitha sondazhet tregonin se humbjen e kishte të sigurtë!
Sot, shqiptarët duhet të protestojnë kundër njeriut për të cilin Raporti i OSBE thoshte se ka një pasuri prej 200 milionë eurosh ndonëse ai i kishte deklaruar vetëm 3.000 dollarë; Dhe, po ky Raport u zhduk nga faqja e dheut për disa orë! Që absurdi i këtij njeriu të mos ketë kufi, ai zë vend në krye të po kësaj OSBE-je që e korruptoi për ta zhdukur Raportin!
Sot, shqiptarët duhet të protestojnë kundër këtij njeriu që ndërtoi një regjim hajdutësh të votave që u konfirmuan edhe me përgjimet e të përditshmes gjermane BILD. Po kjo medie u akuzua nga ai si gazetë bulevardeske ndërkohë BILD paralajmëroi se do të publikoi dhe përgjime tjera; Por, si me magji, asgjë më nuk u botua dhe po nga goja e këtij njeriu që akuzoi gazetën në fjalë, na doli se na qenka një gazetë serioze!
Sot, shqiptarët duhet të protestojnë sepse janë pa opozitë për shkak të aftësive korruptive të këtij njeriu i cili nuk daloi me shkatërrimin e opozitës duke e shpallur liderin e saj historik, Sali Berisha, NON GRATA, nga SHBA me ndihmën e hetimeve korruptive të FBI!
Sot, shqiptarët duhet të protestojnë për shkatërrimin që i bëri Sistemit të Drejtësisë dhe mbajtjen peng të opozitës për më shumë se një vit përmes gjyqtarëve që kanë kaluar vettingun.
Sot, shqiptarët duhet të protestojnë për shpopullimin që i bëri Shqipërisë ky njeri, ku si pasojë e qeverisjes së tij, 1/3 e qytetarëve morën rrugët e botës!
Sot, shqiptarët duhet të protestojnë për shpërthimin e “Skandalit McGonigal” ku konfirmohet ndërhyrja e FBI për shkatërrimin e rivalëve të tij dhe metodat korruptive të shitjes së pasurive nëntokësore shqiptare!
Sot, shqiptarët duhet të protestojnë pasi vetëm me shpërthimin e “Skandalit McGonigal” dhe shpalljen e protestës kombëtare më 11 Shkurt 2023 në orën 12:00 para Kryeministrisë, ky njeri urdhëroi Gjykatën e Apelit të caktoi një datë për gjykimin e fatit të Partisë Demokratike!
Sot, shqiptarët duhet të protestojnë edhe për heshtjen që bënë ky njeri edhe në momentet vendimtare që po kalon Kosova ndërsa po përballet me sulme retorike dhe ushtri serbe që i bënë miku i tij, Presidenti i Serbisë, Aleksandar Vuçiç! Ky kriminel serb kërcënon Kosovën, e cilëson Kryeministrin e saj Albin Kurti, terrorist, ndërkohë ky njeri që qëndron në krye të qeverisë shqiptare, promovon Ballkanin e Hapur me kriminelët e Millosheviçit!
Dhe, në fund, shqiptarët duhet të protestojnë pas fakteve korruptive që dolën për 23 vjet, nga momenti që ky njeri shkeli në politikë, për ti thënë sot në orën 12:00 para Kryeministrisë, mjaft më:
Edi Rama, dorëheqja është detyrim!
