Sot festohet Fitër Bajrami

Sot festohet Fitër Bajrami!

Falja e Namazit të Bajramit do të bëhet në orën 06:30 në Sheshin “Skënderbej” në Tiranë nën drejtimin e Kryetarit të Komunitetit Mysliman të Shqipërisë, Hoxhë Bujar Spahiu.

Duke përcjellë urimet për paqe, shëndet dhe begati në familje dhe më gjerë, Hoxhë Bujar Spahiu theksoi rëndësinë e kësaj dite si një moment reflektimi dhe bashkimi.

“Me rastin e Fitër Bajramit ju përcjell urimet më të përzemërta për të gjithë besimtarët myslimanë dhe mbarë shqiptarët kudo që jetojnë e punojnë. Uroj që kjo ditë të sjellë paqe, harmoni dhe gëzim në çdo familje, si dhe begati e mirësi në jetën tuaj,” u shpreh Kryetari i Komunitetit Mysliman të Shqipërisë, Hoxhë Bujar Spahiu duke përfunduar:

“Zoti e pranoftë agjërimin, adhurimet dhe lutjet tona përgjatë gjithë këtij muaji të bekuar!”

Programi i Fitër Bajramit:
06:00 – Hapja e programit
06:05 – Lexim Kur’ani nga imami i xhamisë “Et’hem Beu”, z. Elton Karaj
06:10 – Fjala përshëndetëse e Kryetarit të KMSH-së, H. Bujar Spahiu
06:20 – Ligjëratë nga Nënkryetari i KMSH-së, z. Lauren Luli
06:30 – Falja e namazit të Bajramit, prin faljen kryetari i KMSH-së, H. Bujar Spahiu
06:35 – Hutbeja e Bajramit nga Myftiu i Tiranës, z. Bilal Teqja