Sot Grupi C, të gjithë në garë për çerekfinalen e EURO 2024, ndërsa në Grupin D vetëm Polonia është e qetë
Dita e 12-të e Kampionatit Evropian të Futbollit vjen me një situatë të paqartë në Grupit C për vazhdimin e garës, si për Anglinë që është e para me 4 pikë ashtu dhe Serbinë që renditet e fundit me vetëm 1 pikë.
Kështu, Anglia që përballet me Slloveninë ndonëse teorikisht e ka siguruar vazhdimin e garës sikur edhe të fitoj Serbia, sepse favorizohet me vendin e dytë meqë ka fituar sfidën me serbët 1:0, fitorja për klasifikimin në vendin e parë padyshim që është synimi i vetëm.
Nga ana tjetër, Sllovenia që renditet e treta me 3 pikë nuk ka bërë tjetër llogari përveç se fitores duke shpresuar në përsëritjen e lojës së dobët angleze si kundër Serbisë!
Përballja tjetër, Danimarkë-Serbi është e një natyre tjetër ndonëse që të dyja kombëtaret synojnë vetëm fitoren. Danimarka luan kundër kombëtares serbe që në këtë Kampionat Evropian nuk tregoj asgjë dhe me një bilanc historik që danezët i bënë krenar si fitues të të gjitha ndeshjeve duke përfshirë edhe fitoren e thellë të para dhjetë viteve 8:1.
Danimarka, aktualisht në vendin e dytë me 2 pikë, do të luaj për fitore për të mbajtur të paktën vendin e dytë nëse Anglia korr fitore; Por, nuk harron Serbinë që ka përballë dhe synon fitoren gjithashtu si çelësin kryesor për vazhduar garën me vendin e tretë të mundshëm!
Ndërsa në Grupin D vetëm Polonia është e qartë që aktualisht nuk ka asnjë pikë, shkon në shtëpi.
Në përballjen Francë-Poloni të orës 18:00 në Dortmund, Franca do të luaj për vendin e parë që aktualisht e ka Holanda që ka po aq pikë sa kombëtarja franceze, synim që e ka dhe kombëtarja holandeze ndonëse ka për kundërshtar kombëtaren e Austrisë e cila bazuar në dy raundet e para, në orën 18:00 pritet të ofroj në Berlin një lojë shumë cilësore.
