Sot homazhe për Azem Hajdarin

Në përkujtim të Heroit të Demokracisë Azem Hajdari, sot Partia Demokratike organizon një Ceremoni përkujtimore pranë Memorialit në orën 10:00.

Ndërkohë Grupimi “Dhjetor ’90” ka bërë të ditur se në orën 20:30 pranë memorialit ku 21 vite më parë u pushkatua nga policia e shtetit Princi i Mendjeve te Lira , i pavdekshmi Azem Hajdari dhe shoqeruesi i tij simbol i besnikerise njerëzore Besim Çerja, do ta përkujtojnë dhe nderojnë veprën e tyre sublime duke ndezur nga një qiri në vendin ku ata ranë për tu përjetësuar në histori.

Axhenda e aktiviteteve të Partisë Demokratike sot në përkujtimin e Heroit të Demokracisë Azem Hajdari:

10:00 – Ceremonia përkujtimore pranë Memorialit;

10:30 – Deklaratë e Kryetarit Basha për mediat në përfundim të ceremonisë;

10:45 – Varrezat e dëshmorëve

11:15 – 12.00 Vizitë në familje

Ndërsa Grupimi “Dhjetor ’90” i bënë të ditur bashkëudhëtarëve të demokracisë,
protagonistëve të Lëvizjes Studentore,
qytetarëve që e çmojnë lirinë, demokracinë dhe jetën që sot zgjodhën si simbolikë orën 20:30 pasi rreth asaj ore, nga rreth 60 forca policore u derdhën qindra plumba nga armët e policisë së shtetit mbi trupin e Azem Hajdarit dhe Besim Çerjes.

“Atë natë është vrarë edhe ORA e Demokracisë Shqipëtare. Duke kujtuar Azem Hajdarin ne çmojmë lirinë dhe demokracine, mbrojme jeten. Ky pervjetor duhet të startojë me gjetjen e rrugës së lirisë dhe demokracisë të cilën fatkeqesisht kemi kohë që e kemi humbur,” thekson Grupimi “Dhjetor ’90”.