Sot interpelanca me Edi Ramën nën hijen e votimit të Avokatit të Popullit Komunist

Në seancën e sotme plenare më në fund Kryeministri Edi Rama vendosi ti përgjigjet një kërkese për interpelancë pavarësisht se nuk do të prodhojë asgjë më shumë se sa një spektakël, dhe e gjitha do të zhvillohet nën hijen e një procesi që ka marrë vëmendjen e gjithë seancës: Votimin e Avokatit të Popullit!

Propaganda komuniste e mediave nën kujdesin e Edi Ramës dhe firmat e hedhura nga deputetët e papërgjegjshëm të Partisë Demokratike për përfaqësuesin e denjë të Sorosit kandidat për Avokatin e Popullit, Endrit Shabani, ka bërë që shqiptarët të jenë të painteresuar për atë që do të thotë Kryeministri Edi Rama për vjedhjen e 50 milionë eurove në tunelin e Llogarasë, Buxhetin 2026, Taksat, koncesionet PPP, Paqen Fiskale, madje as për mocionin me debat për gjetjet, konkluzionet dhe rekomandimet e raportit final të OSBE-ODIHR-it për zgjedhjet parlamentare të 11 maj 2025, ndonëse është e qartë se pavarësisht se cilin nga 6 kandidatët ka vendosur mazhoranca, që të gjithë pa dallim përmbushin kushtin thelbësor që nga krijimi i këtj institucioni, janë, komunist!

Kështu, përveç komunistit të shumëpërfolur Endrit Shabani i cili zgjohet dhe bie në gjumë duke menduar se si t’ja largoj Edi Ramës, Sali Berishën nga skena politike për Avokatin e Popullit kandidojnë edhe pesë prej tyre por fatkeqësisht asnjë i djathtë, por, që kanë marrë firmat e deputetëve të PD:

-Adriana Kalaja 44 firma
-Aranita Braho 35firma
-Besim Ndregjoni 34 firma
-Endrit Shabani 35 firma
-Skender Haluci 30 firma
-Tartar Bazaj 28 firma

Seanca e sotme plenare do të zhvillohet me këtë Rend të Ditës:

URDHËR
Nr. 39, datë 9.12.2025
Tiranë, më 09.12 .2025
PËR MBLEDHJEN E KUVENDIT NË SEANCË PLENARE NË DATËN 11.12.2025,
ORA 10:00
Në mbështetje të nenit 7, pika 6, neneve 27/1, 79, 82, 96 dhe 98 të Rregullores së Kuvendit, bazuar në
kalendarin e punimeve të Kuvendit për periudhën 1 – 19 dhjetor 2025 dhe në kalendarin e veçantë të
shqyrtimit të projektligjit “Për buxhetin e vitit 2026”,
URDHËROJ:
I. Mbledhjen e Kuvendit në seancë plenare në datën 11.12.2025, ora 10:00.
II. Rendi i ditës i seancës plenare është si më poshtë:

1. Miratimi i procesverbaleve të seancave plenare të datave 2.12.2025 dhe 4.12.2025.

2. Njoftime.

3. Interpelancë me ministrin e Turizmit, Kulturës dhe Sportit, z. Blendi Gonxhja, kërkuar nga deputetja
Ina Zhupa.

4. Interpelancë me Kryeministrin e Republikës së Shqipërisë, z. Edi Rama, kërkuar nga deputeti Agron
Shehaj.

5. Projektligji “Për disa ndryshime dhe shtesa në ligjin nr. 9920, datë 19.5.2008, “Për procedurat tatimore
në Republikën e Shqipërisë””, të ndryshuar. (Shqyrtimi nen për nen dhe në tërësi)

6. Projektligji “Për disa ndryshime në ligjin nr. 92/2014 “Për tatimin mbi vlerën e shtuar në Republikën e
Shqipërisë”. (Shqyrtimi nen për nen dhe në tërësi)

7. Projektligji “Për disa ndryshime dhe shtesa në ligjin nr. 29, datë 30.3.2023, “Për tatimin mbi të
ardhurat”. (Shqyrtimi nen për nen dhe në tërësi)

8. Projektligji “Për disa shtesa në ligjin nr. 9632, datë 30.10.2006, “Për sistemin e taksave vendore”” të
ndryshuar. (Shqyrtimi nen për nen dhe në tërësi)

9. Projektligji “Për disa ndryshime në ligjin nr. 87/2019 “Për faturën dhe sistemin e monitorimit të
qarkullimit, të ndryshuar. (Shqyrtimi nen për nen dhe në tërësi)

10. Projektligji “Për marrëveshjen e paqes fiskale”. (Shqyrtimi nen për nen dhe në tërësi)

11. Projektligji “Për rivlerësimin e pasurisë së paluajtshme”. (Shqyrtimi nen për nen dhe në tërësi)

12. Projektligji “Për fshirjen, shuarjen dhe pagesën e detyrimeve tatimore ndaj administratës tatimore
qendrore e të detyrimeve të pagueshme në doganë”. (Shqyrtimi nen për nen dhe në tërësi)

13. Projektligji “Për buxhetin e vitit 2026”. (Shqyrtimi nen për nen dhe në tërësi)

14. Projektligji “Për koncesionet dhe partneritetin publik privat”.

15. Projektligji “Për gjuetinë”.

16. Projektligji “Për disa shtesa dhe ndryshime në ligjin nr. 155/2020 “Për ndryshimet klimatike””.

17. Projektligji “Për disa ndryshime dhe shtesa në ligjin nr.80/2021 “Për regjistrimin e organizatave
jofitimprurëse””, të ndryshuar.

18. Projektvendimi “Për zgjedhjen e Avokatit të Popullit”.

19. Projektvendimi “Për një ndryshim në vendimin nr. 104/2025 “Për ngritjen e Nënkomisionit për
Auditimin e Sektorit Publik në përbërje të Komisionit të Përhershëm Parlamentar për Ekonominë,
Punësimin dhe Financat”.

20. Mocion me debat për gjetjet, konkluzionet dhe rekomandimet e raportit final të OSBE-ODIHR-it për
zgjedhjet parlamentare të 11 maj 2025.

21. Diskutime për çështje jashtë rendit të ditës.
III. Ngarkohen shërbimet e Kuvendit për publikimin e rendit të ditës të seancës plenare, njoftimin e
anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit
parlamentar që do të shqyrtohet.
IV. Ky urdhër hyn në fuqi menjëherë.