Sot, Kurti pret në takim krerët e partive politike

Kryetari i Lëvizjes Vetëvendosje dhe Kryeministri në detyrë, Albin Kurti, ka ftuar sot në takim krerët e partive parlamentare për të gjetur një zgjidhje kompromisi për tejkalimin e ngërçit politik që u krijua me rastin e zgjedhjes së Kryetarit të Parlamentit pas zgjedhjeve të 9 Shkurtit.

“Aktgjykimi i djeshëm i Gjykatës Kushtetuese thekson qartë se obligimi për ta konstituuar Kuvendin është obligim i të gjithë deputetëve dhe jo vetëm i subjektit të parë. Si kryetar i Lëvizjes Vetëvendosje dhe në emër të grupit më të madh parlamentar të dalur nga zgjedhjet e 9 shkurtit 2025, sot u jam drejtuar të gjithë krerëve të subjekteve të përfaqësuara në legjislaturën e nëntë, me ftesë për takim të përbashkët të shtunën (nesër) në orën 16:00, në përpjekje të radhës në funksion të konsensusit për konstituim të Kuvendit,” tha Kryeministri në detyrë, Albin Kurti, duke reaguar pas Vendimit të Gjykat Kushtetuese.

Në realitetin e krijuar pas këtij Vendimi të Gjykat Kushtetuese edhe përpjekja e 38-të për konstituimin e Legjislaturës së Nëntë të Parlamenti nuk filloi pa një takim konsultativ të kryesuesit të seancës, Avni Dehari, me përfaqësuesit e subjekteve politike.

Ky takim u mor dhe vendimi që ndryshoi rrjedhën e vazhdimit të seancë:

“Pasi të mbahet takimi i liderëve politikë, i ftuar nga subjekti më i madh, të vazhdojmë seancën më 29 qershor, në orën 11:00,” tha kryesuesi i seancës Avni Dehari.  

Ndryshe, për takimin e sotëm u konfirmua pjesëmarrja e të gjitha prtive parlamentare për dallim nga takimi i parë ku ftesës iu përgjigj vetëm lideri i PDK, Memli Krasniqi.