Sot marshim proteste në mbrojtje të Teatrit/ Ja çfarë i kërkohet Ramës dhe Metës…

Qytetarët nga i gjithë vendi janë thirrur sot përmes rrjeteve sociale, në një marshim-protestë në mbrojtje të Teatrit Kombëtar dhe pronës publike, për të mos lejuar zbatimin e projektit të qeverisë Rama për ngritjen e të paktën 6 kullave.

Aleanca për Mbrojtjen e Teatrit ka njoftuar në rrjetet sociale se ditën e enjte qytetarët të bashkohen në orën 18:30 te sheshi i Teatrit për të marshuar më pas drejt Kryeministrisë dhe Presidencës.

Sipas thirrjes, me qindra artistë, intelektualë dhe aktivistë, t’i tregojnë grushtit të vogël të njerëzve me pushtet se në Shqipëri ka ende njerëz të lirë; t’i kërkojnë Kryeministrit të tërhiqet dhe Presidentit të kthejë mbrapsht ligjin e turpshëm të miratuar nga Parlamenti.