Seanca e parë e jashtëzakonshme e Parlamentit të Kosovës e cila do të fillojë në ora 09:00 do të shqyrtojë Propozim-vendimin e Qeverisë së Kosovës për emërimin e Ekipit Negociator për Normalizimin e Marrëdhënieve në mes të Kosovës dhe Serbisë.​

Kurse në ora 10:00 do të mbahet seanca tjetër e jashtëzakonshme e Parlamentit të Kosovës për të diskutuar lidhur me angazhimet e presidentit të Kosovës, Hashim Thaçi, për përfshirjen e “shkëmbimit të territorit” apo ” korrigjimin e kufijve” në dialogun në mes Kosovës dhe Serbisë.