Sot hyjnë në fuqi masat e reja, pa maska në ambientet e jashtme, ora policore 23:00-06:00…

Pas vlerësimit të situatës epidemiologjike nga Komiteti Teknik i Ekspertëve janë vendos masa të reja lehtësuese të cilat hyjnë sot në fuqi, dhe kanë të bëjnë nga heqja e detyrimit për mbajtjen e maskës në ambientet e jashtme deri te ora policore e cila do të nisë në orën 23:00 dhe zgjatë deri në orën 06:00.

Komiteti tërheq vërejtjen që mbajtja e maskës do të jetë ende e detyrueshme në ambientet e mbyllura si dhe në mjetet e transportit publik ndërsa ora policore duke nisur nga 1 korriku, do të nisë në orën 00:00 dhe zgjatë deri në orën 06:00.

Masat e reja:

Nga 1 Qershori:

• Hiqet detyrimi per mbajtjen e barrieres mbrojtese ne ambientet e jashtme. Do vijoje te mbetet detyrimi i mbajtjes se maskes ne ambjentet e mbyllura si dhe ne mjetet e transportit publik. Rekomandohet mbajtja e maskes kudo ku nuk mund te ruhet distancimi sociale si edhe per ata qe ende nuk kane bere dy dozat e vaksines qe konsiderohen persona ne risk.

• ora policore shtyhet ne oren 23:00 -06:00.

Klubet e nates, diskot, vijojne te mbeten te mbyllura. Muzika do lejohet deri ne oren 22:00.

Nga 15 Qershor:

• Grumbullimet ne ambjentet e jashtme nga 10 persona behen 50 persona, duke respektuar rregullat e distances sociale ne zbatim te protokolleve te IShP.

Nga 1 Korriku:

• Ora policore shtyhet ne oren 24.00 -06:00.
Orari per muziken nuk ndryshon, pra do mbetet ora 22:00.

• Lejohen kampionatet sportive me prezence te tifozeve me kapacitete te reduktuara deri ne 30% sipas protokollit te IShP.

•Lejohen aktivitetet e teatrove, shfaqeve artistike dhe kulturore, konferencave, me kapacitet te reduktuar deri ne 30% te spektatoreve apo pjesemarresve, sipas protokolleve te IShP.