Sot në Gostivar fillon Festivali ndërkombëtar “Othello”

Në Qendrën e kulturës “KAÇKM” në Gostivar, prej 3 deri 8 nëntor do të mbahet Festivali ndërkombëtar i teatrit “Othello” ku do të prezantohen gjashtë shfaqe. Hapja e këtij Festivali do të bëhet me shfaqjen “Jashtë bie borë”, nga Teatri i Tetovës, në regji të Qëndrim Rijanit, që është dhe jashtë konkurrencsë.

“Këtë vit arritëm të sigurojmë pjesëmarrje të më shumë teatrove nga Ballkani, me çka publikut të teatrit do t’i mundësojmë t’i përcjellin shfaqet në më shumë gjuhë dhe zhanre. Zgjedhjen e bëri seleksionuesi Qëndrim Rijani, dhe si organizatorë vlerësojmë se Festivali është ngritur në nivel më të lartë, duke e pasur parasysh faktin se në realizimin e shfaqeve janë angazhuar mbi 140 punonjës të teatrit”, tha producent i festivalit, Berat Saliu.

Në kuadër të Festivalit, i cili do të përfundojë me 8 nëntor, për çdo natë do të prezantohet nga një shfaqje.

Adhuruesit e teatrit nga e hëna deri të premten do të mund t’i shohin shfaqet: “Aj Karmella”, të teatrit ushtarak SAPTPT, në regji të Robert Raponjas; “Krimi i shekullit 21”, të Teatrit popullor “Jordan Haxhi Konstantino –Xhinot”, nga Velesi në regji të Vlladimir Millçinit; “Pesë periudhat e armikut të popullit”, të Qendrës multimediale nga Prishtina, në regji të Blerta Neziraj; “Lindja e Barbarës”, të Teatrit popullor nga Bursa e Turqisë, në regji të Eçe Okaj; Dhe, shfaqja “Shirli Valentina”, të Teatrit Aleksandar Mojsiu, nga Durrësi, në regji të Driada Dervishit, raporton Albinfo.

Juria e festivalit do të ndajë katër çmime: shfaqja më e mirë, regjisori më i mirë, si dhe aktorja dhe aktori më i mirë, të cilët do të marrin mirënjohje edhe shpërblime financiare .

Të gjitha shfaqet nisin nga ora 19, ndërsa në natën e fundit me 8 nëntor do të ndahen edhe shpërblimet.