Sot në Mal të Zi 10 herë më shumë turistë

Sipas të dhënave të fundit të Organizatës Kombëtare të Turizmit, sot në Mal të Zi po qëndrojnë 140.000 turistë të regjistruar ose 10 herë më shumë se vitin e kaluar.

Lajmin e ka bërë ditur përmes rrjetit social Twitter, Ministri i Zhvillimit Ekonomik, Jakov Milatoviç duke saktësuar se më së shumëti turistë ka në Budvë – 47.000, ose nëntë herë më shumë se në vitin 2020, pasuar nga Ulqini me 30.000 turistë ose 12 herë më shumë se në vitin e kaluar!

“Këto janë të dhëna të jashtëzakonshme, që flasin se numri i turistëve në Mal të Zi është në nivelin 83 për qind nga periudha e njejtë e vitit 2019. Kjo është larg nivelit krahasuar me shtetet si Kraocia e cila është tashmë me 60 për qind, Spanja 45 për qind, Italia 40 për qind dhe Turqia 30 për qind,” tha Milatoviç duke shtuar se ky është rezultat i përpjekjeve të Qeverisë para së gjithash në sigurimin e situatës më të mirë epidemiologjike dhe mbështetjes ekonomike të turizmit ndërsa përfundoi:

“Vetëm me respektimin e masave dhe vazhdimin e vaksinimit duhet të kontribuojmë që një sezon i tillë turistik i jashtëzakonshëm të zgjas sa më shumë.”