Sot në seancën plenare dy Ligje me 3/5. Opozita kushëtzon pjesëmarrjen me largimin e Xhafajt dhe Ballës

Ligji për statusin e gjyqtarëve dhe prokurorëve si dhe ndryshimet në Kodin Rrugor që kërkojnë votim me shumicë prej 3/5 janë futur sot për votim në seancën plenare të Parlamentit të Shqipërisë e cila pritet të filloj në orën 10:00.

Ndërkohë opozita zhvendoset në Elbasan. Duke e bërë të qartë se nuk ka asnjë shpresë për votimin e këtyre ligjeve, është shprehur se nuk mund të ketë jetë normale parlamentare për derisa në Parlament dhe në Qeveri ulen njerëz tashmë të faktuar si njerëz të lidhur me krimin, nga Fatmir Xhafa te Taulant Balla.

Bazuar në urdhrin nr. 29, datë 4.9.2018 të Kryetarit të Parlamentit,  Gramoz Ruçi, seanca plenare do të zhvillohet me këtë rend të ditës:

Seancë plenare

E enjte, 6.9.2018, ora 10.00

Rendi i ditës

1.Miratimi i procesverbalit të seancës plenare të datës 3.9.2018 (neni 44, Rregullore)

2.Njoftimi i projektligjeve të depozituara në Kuvend (neni 44, pika 3 e Rregullores)

3.Akt normativ nr. 1, datë 26.7.2018, “Për disa ndryshime në ligjin nr. 109/2017, “Për buxhetin e vitit 2018” (nenet 73-77, Rregullore, votim me shumicë të thjeshtë) Pyetje Shprehet komisioni përgjegjës për Ekonominë dhe Financat Diskutime (Shprehen grupet parlamentare): Koha e votimit

4.Të mbartura për votim: – Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë” (Neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit) – Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar”” (neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)

5.Diskutime për çështje jashtë rendit të ditës (neni 45, Rregullore) Koha e diskutimeve deri në 60 minuta.