Sot nis sesioni i ri komik i Parlamentit

Sesioni i VII i legjislaturës së X, të Parlamentit të Shqipërisë sot nis në orën 17:00 me seancën ku priten të paraqiten objektivat nga Kryetarët e Grupeve Parlamentare, por, çështjet e shumërpritura opozitare si mandati i deputetes Olta Xhaçka dhe mbetjet toksike janë zhvlerësuar nga produktet që ndërkohë ka prodhuar politika e bastarduar e Edi Ramës, sa nisja e sotme e sesionit të VII do të jetë më shumë komike sa politike.

Nuk dihet se si mund të trajtohet në fillimin e këtij sesioni mandati i një deputeteje socialiste qoftë ai dhe i Olta Xhaçkës që abuzoi me pushtetin si ministre, që sot nuk ka asnjë vlerë, aq më shumë kur ka mbetur më pak se një sesion parlamentar deri tek fundi i mandatit të deputetit, dhe, eksporti i mbetjeve toksike, kur aktualisht më shumë ka humbje jete në ditë në Shqipëri se sa në Ukrainë dhe Rripin e Gazës, ndërkohë në tokën shqiptare, tendenca e shpopullimit është e frikshme.

Gjithsesi, seanca e sotme plenare ka këtë Rend të Ditës:

Rendi i Ditës

Në mbështetje të urdhrit nr.56, datë 28.8.2024 të Kryetares së Kuvendit, znj. Elisa Spiropali, rendi i
ditës është si më poshtë:
1. Hapja e punimeve të sesionit të VII të legjislaturës së X, të Kuvendit të Shqipërisë.
(Neni 74, pika 1, i Kushtetutës, neni 42, pika 1, i Rregullores)
2. Miratimi i procesverbaleve të seancës plenare të datës 25,26 dhe 30 korrik 2024.
(Neni 44, pika 2, i Rregullores)
3. Njoftime për çështjet e depozituara në Kuvend.
(Neni 44, pika 3, i Rregullores)
– Fjala e Kryetares së Kuvendit, znj. Elisa Spiropali.
– Fjala e kryetarëve të Grupeve Parlamentare.