Sot, ora 20:45, Sylvinho planifikon titullarët e kombëtares kundër Andorrës
Shqipëria do të zbresë sot në fushë për ndeshjen ndaj Andorrës, ku do të synojë që të marrë një fitore që mund të garantojë kualifikimin për në “Play Off”.
Prej ditësh, kuqezinjtë janë grumbulluar në Barcelonë, aty ku trajneri i Kombëtares shqiptare, Sylvinho Mendes Campos Junior, ka pasur mundësi që të përgatisë ndeshjen e parafundit në grup, por ndoshta më të rëndësishmen për ecurinë e Kombëtares. Dilemat për rreshtimin natyrisht që kanë qenë të shumta, duke parë formën e lojtarëve, por Silvinjo duket se e ka ndarë mendjen për t’i besuar heronjve që luajtën në Serbi, me balotazhe në sulm e mbrojtje.
Kështu, Strakosha është në portë, i ndihmuar në mbrojtje nga Hysaj në të djathë e Mitaj në të majtë. Në qendër do të jetë Gjimshiti, ndërkohë që balotazh ka mes Ajetit e Ismajlit, me këtë të fundit më të avantazhuar. Në mesfushë, Shehu, Asllani dhe Laçi do të jenë në ndihmë të 3 sulmuesve. Broja do të jetë titullar në të djathtë, ndërkohë që në të majtë ka balotazh mes Hoxhës e Uzunit. Në qendër të sulmit, do të jetë Manaj.
Ndryshe, përveç Shqipërisë që luan në transfertë me Andorrën, në fushë dhe në të njëjtin orar luajnë edhe rivalët e grupit K, Angli-Serbi. Italia do të kërkojë tre pikët përballë Moldavisë njësoj si Franca dhe Portugalia./Panorama/
Ndeshjet e sotme:
Armeni-Hungari ora 18:00
Azerbajxhan-Islandë ora 18:00
Norvegji-Estoni ora 18:00
Andorrë-Shqipëri ora 20:45
Angli-Serbi ora 20:45
Irlandë-Portyugali ora 20:45
Moldavi-Itali ora 20:45
