Sot para Kryeministrisë së përmbytur në korrupsion, Opozita në protestë në orën 18:00
Në Shqipërinë e përmbytur nga reshjet e shiut, ku tunelet dhe rrugët e ndërtuara pa cilësi nga Qeveria Rama kanë bllokuar akset nacionale, Opozita vazhdon me protestën e përjavshme me Platformën Parlamentare para Kryeministrisë së përmbytur në korrupsion, me fillim në orën 18:00!
Partia Demokratike fton edhe qytetarët në këtë Paltformë Parlamentare e cila do të jetë dhe Platformë e së vërtetës shqiptare ku vetëm një grusht njerëzish të përbashkuar rreth Edi Ramës gëzojnë bukën e përditshme, të tjerët janë pjesë e varfërisë.
Kjo protestë e dyta me radhë e këtij lloji zhvillohet pasi numri dy qeverisë së Edi Ramës si e pandehur nga SPAK tashmë është pezulluar nga GJKKO dhe i është ndaluar dalja jashtë shtetit, vendim ky i Gjykatës së Posaçme i cili është ankimuar në Gjykatën Kushtetuese nga dyshja e akuzuar Rama – Balluku.
Ndërkohë Policia e Shtetit bënë të ditur se për protestën e Partisë Demokratike që do të zhvillohet sot nga ora 18:00 deri në 20:00 para Kryeministrisë, ka marrë masat e nevojshme në zbatim të ligjit “Për tubimet”, me qëllim garantimin e rendit dhe mbarëvajtjes së aktivitetit, kokretisht:
-nga ora 14:00, nuk do të lejohen të parkohen automjetet në bulevardin ”Dëshmorët e Kombit”, në sheshin “Nënë Tereza, në rrugën “Ismail Qemali”, nga kryqëzimi i Rrugës së Elbasanit me rrugën “Ibrahim Rrugova”, në rrugën “Papa Gjon Pali II”, në bulevardin ”Zhan D’Ark” dhe bulevardin ”Bajram Curri”, nga kryqëzimi i Rrugës së Elbasanit me rrugën “Ibrahim Rugova”;
-Nga ora 15:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.
Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për të devijuar qarkullimin e automjeteve në rrugë alternative.
Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim.
