Sot PD zgjedh Kryetarin e ri
Sot 75.067 anëtarë të Partisë Demokratike në 76 qendra votimit zgjedhin Kryetarin e ri.
Për njërin nga katër kandidatët në garë, Edith Harxhi, Agron Shehaj, Fatbardh Kadilli dhe Lulzim Basha, çdo demokrat me kartë anëtarësie mund të votoj nga ora 08:00 deri në orën 19:00.
Kush mund të votojë…
Të drejtën për të votuar sot për zgjedhjen e Kryetarit të ri të PD e ja çdo demokratë me një kartë anëtarësie dhe mjetin e identifikimit.
Pasi bëhet verifikimi, ai merr fletën e votimit, dhe për derisa anëtarësia është ndarë në dy kategori, aktive dhe jo aktive, është menduar edhe për ata që nuk janë listën me 75.067 me të drejtë vote.
Në këtë rast, sipas udhëzimit të miratuar nga Komisioni i Zgjedhjeve i PD, ky anëtar duhet të paraqes kartën e vjetër të anëtarësisë dhe mjetin e identifikimit. Komisionerët shënojnë emrin dhe pas procesit zgjedhor anëtari do të marrë kartën e re.
“Komisioni ka për detyrë që të regjistrojë më përpara se të japë mundësinë të votojë këtyre anëtarëve, në një formular të posaçëm emrin, atësinë dhe mbiemrin, numrin e dokumentit të identifikimit, numrin e telefonit dhe të marrë firmën e secilit anëtar që do të votojë kundrejt disponimit të një karte anëtarësie.
Ndërkohë, karta e anëtarësisë së këtyre anëtarëve, do të mbetet te komisioni, i cili do t’i depozitojë te Komisioni Zgjedhor i PD-së bashkë me gjithë materialet e tjera votimit. Komisioni Zgjedhor me gjithë këto karta anëtarësie, me një procesverbal të posaçëm do t’ia dorëzojë menjëherë pas shpalljes së procesit të votimit Sekretariatit Organizativ të Partisë Demokratike, i cili brenda një muaji do të ketë për detyrë që t’i regjistrojë ata në sistem si të gjithë anëtarët e tjerë të partisë, të nxjerrë kartat e tjera të anëtarësisë, në formatin elektronik, që të pajisjen edhe ata me karta të reja,” ka sqaruar Kryetari i Komisionit Zgjedhor, Jemin Gjana duke shtuar se nuk do të lejohen ata anëtarë të PD-së që ndonëse kanë emrin në listë mund të kenë bërë fushatë për një parti tjetër në zgjedhjet e 25 prillit, informacion të cilin e ka çdo degë e Partisë Demokratike.
