Sot përpjekja e radhës për të zgjedhur Kryetarin dhe Nënkryetarët e Parlamentit

Deputetët e Parlamentit të Kosovës me fillim në ora 10:00 do të mblidhen sërish sot për të vijuar punimet e seancës konstituive të Legjislaturës së nëntë, ku në rend ditë janë zgjedhja e Kryetarit dhe të Nënkryetarëve të Parlamentit të Kosovës.

Ndryshe, në seancën e kaluar konstituive, nuk u arrit që deputetja e Lëvizjes Vetëvendosje, Albulena Haxhiu, të marrë besimin e deputetëve. Me 57 vota për, 46 kundër dhe tri abstenime, kryesuesi Avni Dehari konstatoi se propozimi nuk kalon dhe seancën e ndërpreu.

Nëse sot në përpjekjen e gjashtë zgjedhet Kryetari dhe Nënkryetarët, sipas rregullores së Parlamentit, seanca konstituive quhet e mbyllur dhe hapet rruga për formimin e Qeverisë së re.