Sot përpjekja e radhës për të zgjedhur Kryetarin e Parlamentit të Kosovës

Deputetët e Parlamentit të Kosovës sot me fillim nga ora 10:00 do të mblidhen sërish për të vijuar me seancën konstituive të Legjislaturës së nëntë, në përpjekje për të zgjedhur Kryetarin dhe të Nënkryetarët e Parlamentit të Kosovës.

Përpjekja e fundit e së dielës nën drejtimin e kryesuesit Avni Dehari, dështoi kur deputeti Glauk Konjufca nga Lëvizja Vetëvendosje sërish propozoi deputeten Albulena Haxhiu për Kryetare të Parlamentit, dhe sërish ajo mori vetëm 57 në mbështetje, 41 kundër dhe tre abstenime, nga 61 sa duhet për zgjedhjen e Kryetarit.

Deri në mëngjesin e sotëm, pak kara vazhdimit të seancës konstituive, të dyja palët, si mazhoranca ashtu dhe opozita akuzojnë njëra tjetrën pse dështon seanca ndonëse të dyja palët mbartin shumë mëkate për klimën e krijuar si në politikë ashtu dhe ndër qytetarë.