Sot Presidentja Osmani me USAID firmosin një marrëveshje me vlerë 34 milionë dollarë

Sot Presidentja e Kosovës, Vjosa Osmani dhe USAID do të firmosin një Marrëveshje për objektivat zhvillimore me vlerë prej 34 milionë e 727 mijë dollarë.

“Amendamenti nr.05 i marrëveshjes së grantit për objektivat zhvillimore do të nënshkruhet nga Presidentja Osmani në emër të Republikës së Kosovës dhe nga U.D drejtoresha e USAID  Kerry Monaghan Hogler, në emër të USAID,” thuhet në njoftimin e Presidencës e Kosovës.

Pas firmosjes së Marrëveshjes, Presidentja e Kosovës, Vjosa Osmani, dhe Ambasadori i SHBA në Prishtinë, Jeffrey M.Hovenier, do të deklarohen për media.