Sot problem i Kosovës nuk është më vetëm Serbia, Borrell shtoi BE-në, Vuçiç mediat kosovare!

Pas takimit të djeshëm të nivelit të lartë të dialogut Kosovë-Serbi Bruksel, ku Presidenti i Serbisë Aleksandar Vuçiç, doli i pari duke thënë se takimi përfundoi pas sukses, Përfaqësuesi i Lartë për Politikë të Jashtme dhe Siguri në Bashkimin Evropian, Josep Borrell, tha se Kurti nuk e pranoi propozimin e BE-së për zbatimin e Marrëveshjes për normalizimin e marrëdhënieve me Serbinë, por kërkoi formalizimin e njohjes de facto të Kosovës nga Serbia, dhe Kryeministri i Kosovës, Albin Kurti, sqaroi se nuk ka mundur të pranojë kompromisin mes propozimit të tij me sekuencë dhe kushtëzimit të Serbisë për formimin e Asociacionit të komunave me shumicë serbe, pasoi një valë akuzash mbi Albin Kurtin nga mediat e Prishtinës duke e akuzuar për refuzim të kompromisit, përfshirë këtu dhe televizionin publik, RTK, që nuk gjeti as dy fjalë të thotë për shtetin e Kosovës dhe interesat e tij!

Mirë Klan Kosova me pronar shtetasin serb të Devollëve nuk ka se si ta ketë politikën redaksionale ndryshe, por nuk kuptohet gjithë ky zell i televizionit publik RTK i cili financohet nga taksapaguesit e Kosovës dhe vazhdon edhe sot luftën kundër Kosovës dhe nuk i nxjerrë nga goja as fy fjalë kritike për qëndrimin e Serbisë.

Mirë që përgënjeshtron Kryeministrin e Kosovës, Albin Kurti, duke cituar Bashkimin Evropian, por nga kjo BE citon një Zyrtar Anonim i cili mohon Kryeministrin Albin Kurti i cili me zë e figurë tha dje në takim se vetëm ai kishte prezantuar dokument në tryezën e bisedimeve.

“Pohimi i kryeministrit Kurti se propozimi i tij ka qenë i vetmi në tavolinë është thjeshtë i pasaktë,” citon RTK deklaratën e një zyrtari evropian duke reaguar në deklaratat e kryeministrit kosovar në fund të takimit të pasuksesshëm në Bruksel me insistimin se BE në të vërtetë ka pasur propozim të cilin ua ka dorëzuar palëve qysh në muajin qershor, dhe se më pas, i dërguari i posaçëm evropian për dialog Miroslav Lajçak kishte zhvilluar 7 raunde takimesh të ndara në lidhje më këtë propozim.

Por, çfarë thotë ky propozimi për të cilin thuhet se iu është dorëzuar palëve në qershor, dhe RTK e merrë të mirëqënë duke akuzuar Kryeministrin e vetë Kurti.

“Ky dokument mban datën e 19 korrikut dhe i njëjti parasheh që procesi i zbatimit të marrëveshjes për rrugën drejt noromalizimit të nisë me Hapjen e procesit negociues për Statutin e instrumenteve për vet menaxhim të Serbëve në Kosovë.

Paralelisht më këtë Serbia më nuk do insistonte në përdorimin e fusnotës. Hapi i ardhshëm do ishte mbyllja e negociatave për statutin e instrumenteve për serbët e Kosovës që do pasonte me përkushtimin e palëve të mos ndërhyjnë në punët e brendshme të njëra tjetrës.

Parashihet tutje vendosja e instrumenteve të vet-menaxhimit të serbëve përfshirë këtu edhe shuarjen e strukturave të kontrolluara nga Serbia,” citon RTK propozimin e BE pa thënë qoftë edhe një fjalë se për këto çështje ka marrëveshje që janë firmosur shumë vite më parë dhe sot Presidenti i Serbisë deklaron se i ka plotësuar plotësisht qoftë dhe strukturat paralele të cilat jo vetëm nuk janë shuar, por tashmë edhe janë armatos.

“Pika e ardhshme paraqet njohja e dokumenteve dhe simboleve kombëtare.

Do vinte më pas, miratimi i udhërrëfyesit për zbatimin e detyrimeve nga marrëveshjet e mëhershme pasuar me formalizimin e statutit të Kishës Ortodokse të Serbisë në Kosovë,” raporton RTK duke cituar Zyrtarin e Brukselit pa deklaruar se një ditë pas zotimeve të Serbisë në Ohër vetë Presidenti Aleksandar Vuçiç tha se kjo nuk do të ndodhë ndërsa shkeli dhe zotimin e radhës nga Marrëveshje e Ohrit që pa turp televizioni publik i Kosovës e citon edhe sot:

“Pas këtij momenti parashihen aranzhimet për shkëmbimin e misioneve të përhershme e pas kësaj Serbia nuk do kundershtonte anëtarësimin e Kosovës në asnjë organizatë ndërkombëtare.

Sipas propozimit evropian, në fund, do nisnin negociatat për marrëveshjen gjithëpërfshirëse, e ligjërisht obliguese për normalizimin të raporteve.”

Qershia mbi tortë është fundi këtij raportimi skndaloz të RTK-së, që është dhe media me shikueshmërinë më të lartë në Kosovë, ku thuhet se Zyrtarët evropianë nuk thanë nëse ky dokument ishte prezantuar në takimin e djeshëm në Bruksel, dhe nëse është pikërisht propozimi të cilin e ka pranuar Serbia por e ka refuzuar Kosova, ashtu siç kishte deklaruar dhe shefi I diplomacisë evropiane Josep Borrell, dëshmi kjo e qartë se sot problem i Kosovës më nuk është vetëm Serbia, por dhe Bashkimi Evropian të cilin e inkorporoi në dialog për ti shërbyer Beogradit zyrtar, spanjolli Borrell, si dhe imazhi i Kryeministrit të Kosovës, Albin Kurti, për përdhosjen e besueshmërisë të të cilit shteti serb vazhdon me ofensivën e tij mediatike, që për fat të keq, tashmë nuk është vetëm Baton ose Buzhal, Klan Kosova ose Devollë…