Sot Protesto!

Sot është dita e dëshmisë se Shqipërinë po e drejton një sundimtar me pushtet të pakufizuar, një drejtues i egër që ka marrë nëpër këmbë çdo të drejtë të shqiptarëve që sot po vuajnë për bukën e gojës, dhe vartësve të tij që po zënë radhën në SPAK sepse u detyruan nga ky sundimtar despotik të firmosin të pafirmosurën, të mohojnë të pamohueshmen, të vjedhin edhe të pavjedhurën, votën tuaj!

Sot është dita e protestës!

Sepse ai që premtoi luftën kundër krimit të organizuar dhe korrupsionit, pushtetin e mbanë me krimin e organizuar ndërsa korrupsionin e ka institucionalizuar!

Sot protesto sepse ai që premtoi Reformën në Drejtësi dhe shkatërroi edhe sistemin që ishte ndërtuar, po iu hedhë hi syve shqiptarë me një SPAK që vetë e komandon!

Sepse vendi është pa Gjykatë Kushtetuese ndonëse vetë e zgjodhi; Gjykatë, vendimet e së cilës i rrëzon ky sundimtar me votën e mazhorancës në Parlament!

Sot protesto sepse ai që premtoi zgjedhje të lira dhe të ndershme sot nuk mbanë zgjedhje fare por i blenë ato!

Sepse opozitën e përcakton ky sundimtar despotik që nuk e ka për turp ta mohoj dhe kryetarin e saj duke emëruar një “Nënkryetar Kryetar”!

Sot protesto sepse ai që të premtoi shëndetësinë falas tani të vjedhë edhe atë që ishte e jotja, ilaçin e rimbursuar!

Sepse spitali i shtetit shërben vetëm për tu shtrirë dhe ilaçet e tij të shërbehen vetëm nëse i blenë në farmaci private!

Sot protesto sepse ai që premtoi Arsimin më cilësor sot drejton arsimin shqiptar që është turpi i botës, dhe i fundit në Europë!

Sepse maturanti e ka më të lehtë të kaloi testin, por, vetëm nëse e blenë!

Sot protesto sepse ai që të premtoi 300 mijë vende pune sot edhe pas mandatit të tretë të tregon me gisht rrugën e botës, aty ku dhe ikën mbi 1 milion shqiptar sepse nuk kishin as bukë ti ushqenin fëmijët!

Sepse ai që të premtoi administratë publike model, e trefishoi atë duke e vënë në shërbim të partisë!

Sot protesto sepse rruga e integrimit dhe bashkimit me Kosovën u devijua në rrugën e bashkimit me Serbinë!

Sepse në arenën ndërkombëtare, mbrojtja e interesave të shtetit të Kosovës u shndërrua në luftë kundër interesave dhe doli në pah mbrojtja e shtetit të Serbisë!

Sot protesto sepse vendin e sundon Satrapi Edi Rama!

Sot protesto në orën 20:00 në Bulevardin Dëshmorët e Kombit, dhe për arsyet që renditi dhe lideri i opozitës, Sali Berisha, nga Rruga e Lirisë kur bëri thirrje për qytetarët dhe patriotët shqiptarë, që sot të dalin të gjithë në rrugët dhe sheshet e Tiranës, në protestë dhe mosbindje civile ndaj një armiku të egër, të pashpirt të këtij kombi, që largoi në 8 vite rreth 40 përqind të shqiptarëve nga Shqipëria; Ndaj një armiku që në 10 vite, i futi dhjetëra thika pas shpine Kosovës; Ndaj një armiku, për të cilin Shqipëria është për plaçkë tregu, për shkak të pushtetit të tij.

“Për të gjithë ata që besojnë se shqiptarët duhet të zgjedhin vetë deputetët, kryetarët e tyre të partive, duhet të jenë në shesh për t’i thënë mafies shqiptare dhe ndërkombëtare se ky vend nuk është koloni, por është vend i pavarur dhe sovran.

Se mafia nuk do të mposhtë kurrë shqiptarët. Për interesin kombëtar. Për shpëtimin e Shqipërisë. O sot o kurrë. Sot në shesh të gjithë!”