Sot ra bora e parë, pas 25 nëntorit parashikohet…

Mëngjesin e sotëm reshjet e para të dëborës zbardhën fshatin turistik Dardhë në Korçë.

Ndërkohë meteorologia Lajda Porja e “Meteoalb” u shpreh për News 24 se reshje bore do të ketë edhe të martën në Juglindje të vendit. Ndërsa në zonat e tjera do të ketë reshje shiu.

“Në pjesën e dytë të javës dhe në fund të muajit kemi rritje temperaturash dhe shira. Me shira më të dendur parashikohet dita e martë. Zonat jugore priten të kenë shira më të dendur. Ditët e tjera do të kemi shira me intensitet të ulët. Ndërsa në zonat juglindore do të ketë reshje bore,” u shpreh Porja duke shtuar se pas datës 25 nëntor parashikohet që do të kemi një rritje të intensitetit të reshjeve, dhe ky muaj do të mbyllet i paqëndrueshëm.