Sot, Samiti BE-Ballkani Perëndimor dhe Protestë
Sot në Tiranë zhvillohet Samiti BE-Ballkani Perëndimor i cili pritet të filloi me seancën plenare në orën 11:00 ndërkohë Partia Demokratike ka paralajmëruar protestë para Kryeministrisë në orën 12:00 ndonëse ajo i është ndaluar nga Policia e Shtetit për shkaqe sigurie.
Samiti filloi me firmosjen e Deklaratës së përbashkët të operatorëve nga BE dhe Ballkani Perëndimor që i cili do të mundësoj uljen graduale të çmimit të romingut në mes të rajonit dhe BE gjatë vitit 2023, me qëllim që shpenzimet të hiqen në tërësi, ndërsa me arritjen e të gjithë liderëve të BE fillon dhe seanca plenare me ata të Ballkanit Perëndimor që tashmë janë prezent në Tiranë.
Në Samitin i cili për herë të parë po mbahet në njërin nga vendet e rajonit, pritet që liderët e BE të shprehin mështetje për idenë e integrimit gradual të rajonit tashmë në fazën e aderimit, dhenien e ndihmës financiare prej 1 miliardë euro për zbutjen e pasojave të krizës energjetike dhe theksimin e rëndësisë së partneritetit të BE me Ballkanin Perëndimor ndërsa vazhdon lufta në Ukrainë.
Deklarata e përbashkët tashmë e dakordësuar dhe bënë thirrje në integrimin më të fortë të rajonit për një treg të përbashkët të BE dhe paralajmërojnë heqjen e romingut në mes të BE dhe Ballkanit Perëndimor.
Njëkohësisht, BE i bën thirrje vendeve të Ballkanit Perëndimor që ti përmbahen vlerave themelore evropiane si dhe parimeve, në përputhje me të drejtën ndërkombëtare, parimeve të demokracisë dhe sundimit të ligjit, dhe të shfaqen më qartë në opinion mbi përparësitë e partneritetit me BE.
“Qëndrimi krah për krah me BE në kohën e agresionit rus në Ukrainë është më shumë se kurrë një sinjal i qartë i orientimit strategjik të partnerëve,” theksojnë liderët e BE duke përshëndetur përpjekjet e vendeve që tashmë janë harmonizuar.
Deklarata e cilat prite të miratohet sot vlerëson se Rusia ka “përgjegjësi ekskluzive për krizën aktuale energjetike dhe ekonomike”, dhe thekson se BE do të vazhdoj të mbështes rajonin si përgjigje në pasojat negative për ekonominë dhe shoqërinë.
“Paketa e ndihmave për energjetikë në vlerë prej një miliardë euro mjete pa kthim dhe investime potenciale prej 2.5 miliardë eurove investime do ti ndihmojnë rajonit që të zbus pasojat e krizës dhe përshpejtoj tranzicionin energjetik,” thuhet në tekstin e Deklaratës duke shtuar se “500 milionë euro nga kjo paketë do të shkoj direkt si ndihmë urgjente për familjet dhe ndërmarrjet e vogla deri sa 500 milionë të tjera do të shkojnë për mjete pa kthim të destinuara për pavarësi energjetike, tranzicion dhe përparim në infrastrukturën e gazit dhe atë elektrike”.
Liderët e BE përshëndesin Deklaratën e përbashkët të operatorëve nga BE dhe Ballkani Perëndimor që firmosën sot në Tiranë për romingun ndërsa shprehet mbështetja e plotë për ndërmjetësimin e përfaqësuesit Josep Borrell dhe përfaqësuesit special Miroslav Lajçak në dialogun në mes të Kosovës dhe Serbisë dhe kërkimit të zgjidhjes për çështje tjera rajonale.
“Nga Beogradi dhe Prishtina presim përparim konkret në arritjen e marrëveshjes ligjore dhe të obligueshme për normalizimin e marrëdhënieve, që është kryesore për paqen në rajon dhe vazhdimin e rrugës evropiane për të dyja palët”.
Theksohet pritshmëria e fuqishme që të gjitha marrëveshjet e arritura deri më tani të respektohen në tërësi dhe zbatohen pa shtyrje, duke bërë thirrje për angazhim konstruktiv në zgjidhjen e të gjitha kontesteve, pa lëvizje të njëanshme dhe provokuese që mund të shkaktojnë tensione dhe dhunë”.
Deklarata do të miratohet formalisht sot në takimin e liderëve evropiane dhe rajonal në Tiranë.
Ndërkohë pak orë para zbatimit të planit të masave, bllokimit dhe devijimit të disa akseve interurbane dhe urbane, të kryeqytetit, që nga Policia e Shtetit filluan në ora 06:00 dhe do vazhdojnë deri në orën 18:00, Kryetari i Partisë Demokratike, Sali Berisha, tha se populli opozitar do të mbushë rrugët dhe sheshet e Tiranës në mbrojtje të vlerave europiane tmerrësisht të rrezikuara dhe të të kërcënuara nga Edi Rama dhe regjimi i tij.
“Çdo shqiptar që e do këtë vend, që e do lirinë, dinjitetin njerëzor, të ardhmen e tij dhe të fëmijëve të tij në liri, dhe që beson se kushti i të gjitha kushteve është vota, bashkohet nesër në shesh me ne për t’i dëshmuar lidershipit europian se ne jemi në një betejë me armikun e egër të votës së shqiptarëve, Edi Rama. Për t’i dëshmuar lidershipi europian se njeriu që qendron si përfaqësuesi i Shqipërisë në atë samit e ka pushteitn dhe karrigen të ngritur mbi dhunimin e votës së shqiptarëve. E ka pushtetin dhe karrigen të ngritur mbi drogën, trafiqet, mbi narko-shtetin që ka ndërtuar në Shqipëri,” shprehet Sali Berisha duke i bërë thirrje qytetarëve që sot më shumë se kurrë të mbushin bulevardin e Tiranës, për të bërë prezent para botës realitetin dhe rrezikun ekzistencial që kërcënon kombin shqiptar.
Në protestë është e sigurt se do të marr pjesë populli opozitar duke mos përjashtuar këtu patronazhistët dhe spiunët opozitar të Edi Ramës ndërsa në Samitin BE-Ballkani Perëndimor marrin pjesë këta liderë të BE-së:
Presidentja e Komisionit Europian Ursula Von Der Leyen
Presidenti i Këshillit Europian Charles Michel
Presidenti i Francës, Emmanuel Macron
Kancelari i Gjermanisë, Olaf Scholz
Kryeministri i Greqisë, Kyriakos Mitsotakis
Kryeministri i Hungarisë Viktor Orban
Kryeministrja e Italisë, Giorgia Meloni
Kancerlari i Austrisë, Karl Nehammer
Kryeministri i Belgjikës, Aleksandër De Croo
Presidenti i Bullgarisë, Rumen Radev
Kryeministri i Kroacisë, Andrej Plenkoviç
Presidenti i Qipros, Nicos Anastasiades
Kryeministri i Çekisë, Petr Fiala
Kryeministrja e Danimarkës, Mette Frederikse
Kryeministrja e Estonisë, Kaja Kallas
Kryeministrja e Finlandës Sanna Marin
Kryeministri i Irlandës, Micheal Martin
Kryeministri i Letonisë, Krisjanis Karins
Kryeministri i Lituanisë, Ingrida Simonyte
Kryeministri i Luksemburgut, Xavier Bettel
Kryeministri i Maltës, Robert Abel
Kryeministri i Holandës, Mark Rutt
Kryeministri i Polonisë, Mateusz Moraëiecki
Kryeministri i Portugalisë, Antonio Costa
Presidenti i Rumanisë, Klaus Iohannis
Kryeministri i Sllovakisë, Eduard Heger
Kryeministri i Sllovenisë, Robert Golob
Kryeministri i Suedisë, Ulf Kristersson
Kryeministri i Spanjës, Pedro Sanchez
Ndërsa për garantimin e mbarëvajtjes së Samitit BE-Ballkani Perëndimor, Policia e Shtetit ka publikuar masat e ndërmarra ku do të ketë bllokime dhe devijime të disa akseve interurbane dhe urbane, të kryeqytetit, duke nisur nga ora 06:00, e datës 06.12.2022, deri në orën 18:00, të datës 06.12.2022.
Bllokimi i lëvizjes dhe devijimi në autostradat dhe rrugët interurbane, që të çojnë drejt Tiranës, do të fillojë në orën 07:00, ndërsa në qytet, në perimetrin e sigurisë, bllokimi do të fillojë në orën 06:00, ndërsa në rrugët e tjera që përfshihen në itinerarin e lëvizjeve në kuadër të Samitit, bllokimi do të fillojë në orën 08:00.
•Do të bllokohen këto akse:
– Rruga “Rinas – Qafë Kashar” dhe anasjelltas;
– Autostrada “Tiranë- Vorë” dhe anasjelltas;
– Unaza e Madhe, nga ish-sheshi “Shqiponja”, deri te rrethi i Sanatoriumit, dhe anasjelltas;
– Rruga e Elbasanit nga rrethi i Sanatoriumit deri tek ura e Elbasanit dhe anasjelltas.
-Gjithashtu, të gjitha rrugën që lidhin rrugën e Elbasanit, me rrugët “Papa Gjon Pali II”, “Dervish Hima”, “Asim Zeneli”, “Themistokli Gërmenji”, “Ismail Qemali”, “Mustafa Matohiti”, “Jul Variboba”, “Faik Konica”, “Fatmir Haxhiu”, “Gjeneral Nikols”, rrugën e Atjonit, “Sheh Ahmet Pazar”, si dhe të gjitha rrugët që lidhin bulevardin “Dëshmorët e Kombit” me rrugët “Ibrahim Rugova”, “Ukraina e lirë” dhe “Lek Dukagjini”, do të jenë të bllokuara.
Në këto segmente nuk do të lejohet parkimi i mjeteve dhe për këtë arsye janë njoftuar të gjithë banorët e zonës, për mosparkim të mjeteve në këto segmente. Mjetet që nuk janë larguar do të spostohen me mjete ngritëse, nga Policia Bashkiake dhe Policia e Shtetit.
•Për mjetet e emergjencave mjekësore dhe ato të emergjencave civile, nuk do të ketë pengesa, perveç kontrolleve nga punonjësit e Policisë, në perimetrin e sigurisë. Sqarojmë se, të gjitha mjetet e emergjencave që do t’u duhet të lëvizin në drejtim të QSUT-së dhe spitalit Shefqet Ndroqi, duhet të ndjekin unazën lindore, kur vijnë nga juglindja, për të vijuar nga Shkoza-Kryegjyshata Botërore-Farka-Sanatoriumi-Kodra e Priftit-QSUT.
Gjithashtu, emergjencat mjekësore që vijnë të Spitali i Traumës, nga veriu dhe jugu, gjatë kohes së bllokimit të akseve rrugore, të ndjekin akset alternative: “Paskuqan-rruga “Azem Galica”-shinat e trenit-Spitali i Traumës” dhe “Rruga e Shkodrës-rruga “Petrit Radovicka”-rruga “Gjergj Legisi”-rruga “Lord Bajron”-Spitali i Traumës”.
•Gjithashtu, sqarojmë se:
-Për drejtuesit e mjeteve që vijnë nga veriu, me destinacion aeroportin e Rinasit, rrugëkalimi do të bëhet nga aksi “Fushë Prezë – Rinas”;
-Për drejtuesit e mjeteve që vijnë nga Durrësi, me destinacion aeroportin e Rinasit, rrugëkalimi do të bëhet nga aksi “Vorë- rruga e vjetër e Fushë Krujës”;
– Për drejtuesit e mjeteve që vijnë nga juglindja, me destinacion aeroportin e Rinasit, rrugëkalimi do të bëhet nga aksi “Elbasan – rrethrrotullimi TEG-ut- unaza lindore- Paskuqan -Kamëz- kryqëzimi i Valiasit- Rinas”.
