Sot seanca plenare/ Reagimi, Paloka: Ne do të zhvillojmë protesta kudo që të mblidhen

Pas vendimit të kryeministrit Edi Rama përmes shokut Gramoz për të zhvilluar sot seancën plenare dhe arsyetimin që bëri shoku Taulant me Ditën e Verës, Nënkryetari i Partisë Demokratike, Edi Paloka duke e vlerësuar si hapin e radhës të një parlamenti ilegjitim dhe në ilegalitet, paralajmëruar protestën  e opozitën sot në orën 17:00, në kohën kur do të zhvillohet seanca plenare e Parlamentit të Shqipërisë:

“Ne u kemi bërë thirrje demokratëve dhe jo vetëm, por të gjithë atyre që duan largimin e Ramës të jenë para parlamentit, dhe ne do të zhvillojmë protestën, sa herë të mblidhen, kudo të mblidhet dhe kudo që të fshihet Rama”.

Sot tha Paloka, kjo është një hyrje në ilegalitet të plotë të Parlamentit, për të shpëtuar kokën e Edi Ramës, dhe e mbledhin sikur e kanë privat.

“Ky nuk përfaqëson më as ata që dikur mund ta kenë votuar, sot ky kuvend është ilegjitim, sot kanë kaluar në ilegalitet të plotë për të shpëtuar kokën (politikisht e them) e Ramës, dhe e mbledhin sikur e kanë privat, ndërkohë që ai bën antimitingun e radhës në Lushnje, se vetë nuk rri, sot të jenë të bindur se me këtë taktikë nuk do shkojnë gjëkundi,” tha Nënkryetari i PD, Edi Paloka duke përfunduar:

“Ne do të punojmë tu krijojmë shqiptarëve kushte për zgjedhje të ndershme. Ata mund të marrin vendime në emër të krimit por jo të shqiptarëve Nuk ka më parlament që të përfaqësojë shqiptarët.”