Sot seancë maratonë, Edi Rama prezanton Programin dhe Qeverinë e Asamblesë së PS

Sot në një seancë maraton që pritet të nis në orën 10:00, Kryeministri Edi Rama do të paraqesë në Parlament programin e ri qeverisës për mandatin e katërt. 

Në seancën me të vetmën pikë të Rendit të Ditës, Projektvendimi “Për miratimin e programit politik dhe përbërjes së Këshillit të Ministrave”, sipas vendimit të Konferencës së Kryetarëve, çdo deputet do të ketë në dispozicion nga 10 minuta për të folur, çka e shton konsiderueshme kohëzgjatjen e debatit.

Pas fjalës së Kryeministrit, foltorja i kalon opozitës, ku pritet të marrë fjalën Sali Berisha ose Gazment Bardhi, në varësi të vendimmarrjes brenda grupit. Rregullorja e Parlamentit parashikon që vetëm kryeministri dhe kreu i opozitës gëzojnë të drejtën të flasin pa kufizim kohe ose në barazi kohore me njëri-tjetrin.

Diskutimet pritet të zgjasin deri në orët e vona të natës, ku seanca do të ndërpritet për të rifilluar ditën e premte.

Në përmbyllje të debatit, do të zhvillohet votëbesimi i qeverisë së re, përfshirë Kryeministrin dhe 16 ministrat, të dekretuar tashmë nga Presidenti i Edi Ramës, Bajram Begaj.