Sot Stoltenberg takon Kurtin dhe Vuçiçin

Sekretari i Përgjithshëm i NATO-s, Jens Stoltenberg, sot pritet të takojë në Bruksel Kryeministrin e Kosovës, Albin Kurti dhe Presidentin e Serbisë, Aelksandar Vuçiç, në kohën kur ky i fundit ka ashpërsuar retorikën pasi serbët në Veri zbatuan skenarin e Krajinës sebe të Kroacisë duke bllokuar rrugët me ngritjen e barrikadave më 31 korrik.

Mësohet se Jens Stoltenberg do të zhvillojë takime të ndara, ku takimi i parë do të zhvillohet në orën 15:30 me Presidentin e Serbisë, Aleksandar Vuçiç ndërsa ai me Kryeministrin e Kosovës, Albin Kurti, në orën 17:00, takime për të cilat do të informoj në fund Sekretari i Përgjithshëm i NATO-s.

Ndryshe, takimet në selinë e NATO-s zhvillohen një ditë para takimi të Albin Kurtit dhe Aleksandar Vuçiçit në Bruksel, ku pritet të vazhdojnë dialogun Kosovë-Serbi, të ndërmjetësuar nga Bashkimi Evropian, dhe në kulmin e tensioneve ku kriminelët serbë kundërshtojnë luftën kundër krimit të organizuar dhe korrupsionit në Veri të Kosovës me arsyetimin se po nxitet shpërngulja e serbëve nga këto troje.