Sot vazhdimi i seancës konstituive të Parlamentit të Kosovës

Parlamenti i Kosovës do të vazhdoi sot me përpjekjen e pestë brenda 9 ditësh, për të vazhduar konstituimin e legjislaturës së nëntë me fillim në orën 10:00.

Në seancën e fundit të së hënës, Albulena Haxhiu nuk arriti të marrë 61 votat për t’u zgjedhur Kryetare e Parlamentit as për të tretën herë me radhë.

Lëvizja Vetëvendosje ritheksoi se nuk kanë kandidat tjetër përveç Albulena Haxhiut ashtu si dhe opozita që nuk e kanë ndërmend ta votojnë këtë kandidate.

Në seancën e fundit, deputeti i Vetëvendosjes, Glauk Konjufca, kërkoi dhe marrëveshje politike për konstituimin e Parlamentit, mirëpo edhe pak minuta para seancës përveç se nuk ka marrëveshje mes subjekteve politike, sjellja e deputetëve të kësaj legjislature ka shkaktuar dhe një përçarje të frikshme të shoqërisë kosovare.