Sot vendimi për Ish-Ministrin Saimir Tahiri

Sot Gjykata e Apelit Kundër Krimit dhe Korrupsionit do të jep vendimin për Ish-Ministrin e Brendshëm, Saimir Tahiri. Mësohet se seanca do të nis në orën 09:30.

Ky Vendim ishte parashikuar që të jepej në 11 qershor, ku Saimir Tahiri paraqiti dhe një mbrojtje voluminoze prej 138 faqesh.

Ndryshe, vitin e kaluar Saimir Tahiri u dënua me 5 vite burg të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre. Por si Tahiri dhe Prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit.

Prokuroria e Krimeve të Rënda ka kërkuar 12 vite burg për Tahirin për 3 vepra penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.