Sot voton Kosova

Sot qytetarët e 21 komunave të Kosovës do t’i drejtohen kutive të votimit për raundin e dytë të zgjedhjeve lokale.

Për raundin e dytë të zgjedhjeve lokale, vemendja më e madhe është përqëndruar tek 4 qytetet e mëdha ku kandidatët nuk arritën t’i marrin 50 përqind të votave dhe bazuar në negociatat e zhvilluar situata ende është enigmatike.

Në kryeqytet, Prishtinë, pritet një garë në mes kandidatit të Lidhjes Demokratike të Kosovës, Përparim Rama, i cili në raundin e parë arriti të marrë 29.17 për qind të votave dhe atij të Lëvizjes Vetëvendosje, Arben Vitia, i cili mori 45.54 për qind të votave ku fituesi tashmë nuk varet nga votuesit e LDK dhe LVV por vetëm nga programi dhe suksesi në shpalosjen e tyre.

Prizreni ashtu siç ishin parashikimet ngeli i pazgjidhur në raundin e parë. Në këtë komunë në garë janë VV me Mytaher Haskukën, i cili në raundin e parë mori 40.41 për qind të votave, derisa PDK në garë do të jetë me Shaqir Totajn i cili mori 31.36 për qind të votave .

Gjilanin sot e pret një garë interesante jo vetëm pse në raundin e parë kandidati i LDK-së, Lutfi Haziri dhe ai i VV-së Alban Hyseni kishin rezultat të ngushtë, 43.51 për qind të votave përballë 44.71 për qind, por kemi të bëjmë me dy kandidatë që gëzojnë besim si kryetari aktual me një trashëgimi për tu mburrur ashtu dhe pretendenti i Lëvizjes Vetëvendosje që është kandidat serioz për këtë post.

Në Gjakovë, Ardian Gjini i cili në raundin e parë kishte 45.76 për qind të votave pretendon se do ta mbajë postin e kryetarit të Komunës Gjakovë pas një koalicioni të arritur, ashtu si dhe Mimoza Kusarit e VV që pas 4 viteve i rikthehet garës për të parën e Gjakovës dhe në raundin e parë kishte 37.2 për qind të votave.

Komunat tjera ku sot do të zhvillohet raundi i dytë janë:

Në Vushtrri, Ferit Idrizi i PDK-së me 34.81 për qind të votave sot përballet me Xhafer Tahirin e LDK-së me 33.82 për qind të votave i cili shpreson në zgjimin e votuesve tradicional të këtij qyteti.

Në Gllogovc, përballë Ramiz Lladrovcit të PDK-së me 45.50 për qind të votave që mori në raundin e parë garon Driton Ajazi nga Demokratët për Drenasin me 30.50 për qind të votave.

Në Fushë Kosovë, Burim Berisha i LDK-së me 49.72 për qind të votavedhe në garë është me Enver Bajçincën e VV që mori 25.58 për qind të votave.

Obiliqi duhet të theksohet si komunë pasi Xhafer Gashi nga Iniciativa Qytetare për Obiliqin nuk arriti për pak të korr fitore në raundin e parë dhe mori 48.12 për qind të votave, dhe sot ka përballë Halil Thaçin e VV-së me 20.19 për qind të votave.

Në Podujevë, gara vazhdon të jetë interesante, ku sot Ekrem Hyseni i LDK-së i cili mori 44.20 për qind të votave në raundin e parë ka përballë kryetarin aktual Shpejtim Bulliqin e VV-së me 44.16 për qind të votave.

Në Kaçanik Besim Ilazi nga PDK me 44.67 për qind të votave do të përballet me Jeton Rakën e VV i cili në ruandin e parë kishte 33.36 për qind të votave.

Në Dragash, Bexhet Xheladini nga LDK i cili arriti të marrë 35.69 për qind të votave përballë ka Shaban Shabanin e PDK-së që mori 32.56 për qind tëvotave.

Në Mamushë, Abdulhadi Krasniqi nga Kosova Demokratik Turk Partisi me 48.92 për qind të votave që mori në raundin e parë ka përballë Arif Butuqin nga Kosova Adalet Turk Partisi me 36.95 për qind të votave.

Në Istog, Ilir Ferati i LDK-së me 41.09 për qind të votave futet i sigurt në raundin e dytë përballë Bekë Berishës nga AAK me një epërsi të konsiderueshme me vota nga raundi i parë, 24.49 për qind, por dhe faktin se është bastion i Rugovës.

Në Klinë, Zenun Elezaj nga AAK me 43.33 për qind të votave do të përballet me Esat Racin nga PDK me 27.42 për qind të votave.

Në Kamenicë, Qëndron Kastrati nga PSD me 32.52 për qind të votave ka përballë ish-bashkpartiakun Kadri Rahimaj e VV-së i cili mori 31.01 për qind të votave në raundin e parë.

Në Viti, Sokol Haliti i LDK-së me 41.30 për qind të votave do të përballet me Arsim Ademin e VV-së me 34.50 për qind të votave.

Në Kllokot, Vladan Bogdanoviç edhe pse i Listës Srpska nuk arriti të fitoi në ruandin e parë dhe mori 41.01 për qind të votave përballë Strahinja Spasiçit nga GI Srpska Narodna Sloga i cili pretendon të fitoj në ruandin e dytë edhe pse mori 36.33 për qind të votave në raund e parë.

Në Rahovec, Smajl Latifi i AAK-së me 47.18 për qind të votave futet në garë i sigurt ndonëse përballë ka Visar Korenicën e partisë në pushtet, LVV i cili mori 24.84 për qind të votave në raundin e parë.

Në Junik, me rezultat shumë të ngusht në raundin e dytë futen Agron Kuçi nga AAK me 45.19 për qind të votave dhe Ruzhdi Shehu i LDK-së me 42.01 për qind të votave.

Në Malishevë, Ekrem Kastratit nga Nisma Socialdemokrate me 34.08 për qind të votave përballet me Isni Kilajn të PDK-së me 28.82 për qind të votave.

Në Shtime, Qemajl Aliu i VV-së me 45.29 për qind të votave dhe Naim Ismajli i PDK-së me 44.23 për qind të votave pritet ta finalizojnë këtë rivalizim i cili zgjoi interes në këtë komunë.

Ndryshe, nga 38 komuna sa Kosova, vetëm në 17 prej tyre u arrit të zgjedhen kryetarët e komunave në raundin e parë.