Sot zgjedhet Këshilli i ri Kombëtar i PD

Pas humbjes në zgjedhjet e 25 Prillit sot 7.646 delagatë të Kuvendit Kombëtar të Partisë Demokratike zgjedhin Këshillin e ri Kombëtar të PD.

Kuvendi me votë do të zgjedhë 300 anëtarët e rinjë të Këshillit Kombëtar nga 600 emrat e propozuar nga Kryetari i PD, Lulzim Basha dhe miratuar nga Kryesia.

Me miratimin në Kryesi, Lista u kritikua në bazë si për shkak të preznecës së deputetëve tradhë që nuk i dorëzuan mandatet si Korab Lita e Fatjona Dhimitri ashtu dhe përçarësve të partisë që me partitë e tyre të vogëla krijuan konfuzion ndër demokratë se kë duhet votuar më 25 Prill. Në listë ishin dhe kritikët dezhurn të Lulzim Bashës si Edit Harxhin, Ish-Sekretari i Përgjithshëm Arben Ristani dhe Kryetari aktual i Këshillit Kombëtar, Bujar Nishani.

Sot do të votohen gjithashtu edhe ndryshimet statutore të propozuara nga Kryetari i Partisë Demokratike, Lulzim Basha, që u miratuan dhe në Kryesinë e PD e që kanë për qëllim zgjerimin e konceptit të demokracisë së brendshme në parti edhe për përzgjedhjen e kandidatëve për pushtetin lokal, duke ngushtuar kompetencën që kishte Kryetari i Partisë në këtë drejtim, rikonceptimin e Kryesisë së Seksionit, duke shtuar si strukturë vendore të partisë edhe Këshillin Koordinues të Qarkut, zgjerimin e Kryesisë së Degës së Partisë, rikonceptimin e mënyrës së funksionimit të Këshillit Kombëtar, zgjerimin e Kryesisë Partisë dhe rikonceptimin e Sekretariatit Ekzekutiv të Partise.

Ndërkohë Kuvendi Kombëtar do të informohet me analizën e masakrës zgjedhore të 25 Prillit e cila u miratua në Kryesinë e PD.

Ndryshe, pas Kryetarit të PD Lulzim Bashës dhe 19 drejtuesve politikë të qarqeve, fjalën mund ta marrë çdo delegat.