Spaho: O Gramoz o Gramoz, vetë shkruan vetë vulos…

Edmond Spaho, kreu i Grupit Parlamentar të LSI-së, ka reaguar lidhur me vendimin e Sekretariatit për Proçedurat dhe Votimet, i cili e cilësoi të vlefshëm votimin e ligjit për Teatrin Kombëtar. Spaho tha se në kushtet kur prova ishte e pakontestueshme, mazhoranca aplikoi mekanizmin e votës, duke mbrojtur aferën korruptive të Ramës.

“Sekretariati për Procedurat dhe Votimet mori vendimin që pritej, mbështeti maxhorancën që votimi i ligjit për shembjen e Teatrit Kombëtar paska qenë i rregullt.

Kjo në kushtet kur prova është e pakontestueshme që deputeti i maxhorancës Bitri votoi në emër të deputetit Tavo. Me mekanizmin e votës vendosën sipas interesave të tyre në mbrojtje të aferës korruptive të Ramës dhe sulmit të egër të tij ndaj trashëgimisë kulturore dhe historike të Tiranës.

Sa here e kanë ndjerë të nevojshme kanë përdorur mekanizmin e votës në Sekretariat, në Byro apo për ti hequr të drejtën e fjalës opozitës në seancë plenare. O Gramos o Gramos vetë shkruan vetë vulos. Si në diktaturë”, shkruan Spaho, në një reagim në rrjetet sociale.