Spaho: Rama i pacipë, po provokon kuksianët, hasianët dhe tropojanët…

Kreu i Grupit Parlamentar të PD-së, Edmond Spaho, ka reaguar përmes një komenti në rrjetet sociale lidhur me vendosjen e taksës në Rrugën e Kombit. Spaho shkruan se Kryeministri i pacipë një muaj pasi u tha me fal banorëve të Kuksit, Hasit dhe Tropojës po i provokon sërish.

Komenti i Edmond Spaho

Në media po lexoj që Kryeministri ka vendosur të provojë edhe një herë taksën e rrugës së Kombit. Kryeministri i pacipë një muaj pasi u tha me fal banorëve të Kuksit, Hasit dhe Tropojës po i provokon sërish.

Nuk mjafton që katër prej tyre i mban padrejtësisht në burg nëpërmjet veglave të tij në gjyqësor por duhet që ti provokojë me rishfaqjen e taksës.

Për Ramën nuk ka rëndësi që banorët e këtyre zonave janë më të varfrit e Shqipërisë. Për të ka rëndësi të mbushë xhepat me milionat e gjobës korruptive që ka vendosur për këtë akt të paprecedent antipopullor dhe antikombëtar.

I ke bërë gabim llogaritë Edi Rama. Nuk paske vënë mend nga hera e parë. Kur njerëzit humbin cdo shpresë nuk ka forcë dhe arrogancë që ti ndalë. Harroje që kuksianët apo cdo shqiptar të paguajnë takseë për atë rrugë dhe kaneë të drejtë të veprojnë kështu. Kij kujdes se këtë rradhë do të të vijnë deri në Tirane. Dhe nuk do te jenë vetëm…