Spaho: S’mund të bëhen krahasime mes 21 janait dhe 26 majit, ja dallimi mes Bashës dhe Ramës…
Kryetari i Grupit Parlamentar demokrat Edmond Spaho ka folur në komisionin e Medias, ku ishte thirrur për të dëshmuar gazetari Bledi Kasmi, lidhur me protestën e 26 majit të organizuar nga opozita, ku policia dhunoi Kryeredaktin e RD-së.
Spaho akuzoi Ramën si urdhëruesin e dhunës, duke shtuar se ai mbron krimin dhe mashat e tij në Ministrinë e Brendshme si provë e pamundësi së tij për tu ndarë nga droga e dhuna.
“Tahiri u lirua, Xhafa vazhdon të shkatërrojë provat, të shantazhojë dëshmitarët dhe gazetarët, të përndjekë opozitën e deri te urdhërojë survejimin e kryetarit të opozitës dhe familjarëve të tij. Lirimi i Tahirit, mbajtja e Xhafës në krye të Ministrisë së Brendshme, kapja e prokurorisë presioni ndaj drejtësisë, Rama është urdhëruesi dhe arkitekti”, tha Spaho.
Ai i kërkoi kolegëve të maxhorancës që të mos bëjnë paralelizma mes ngjarjes së dhunimit të gazetarit Kasmi me protestën e dhunshme të 21 janarit.
“Nuk keni si e bëni paralelizimin e rrahjes se bledi me 21 janarin, ju i vratë dhe mbi trupat e tyre donit të merrnit pushtetin. Ne jemi force politike që nuk kërkojmë të marrim pushtetin me dhunë, ndryshe nga ju që dhunën keni filozofi.
Ndryshimi mes Bashës e Ramës është i qartë. Rama në 21 janar nxiste dhunën me celular e me shenja, kurse Basha shkoi dhe i tërhoqi njerëzit duke shmangur dhunën”, deklaroi kreu i grupit parlamentar të PD-së
“Unë desha të shpreh indinjatën dhe të hedh poshtë me përbuzje fjalorin që u përdor ndaj kolegëve të opozitës duke i quajtur “vrasës”, – deklaroi Spaho. – Vrasësit i gjeni në tjetër drejtim, nuk janë tek opozita, as tani, as kur ka qënë në pushtet. Vrasësit i keni pasur midis jush, në parlamentin tuaj 2013-2017 madje u ndërpre çdo lloj negociate nga Komuniteti Europian për procesin e integrimit të vendit tonë sepse kishim një mazhorancë, një qeverisje të mbushur me vrasës, me kriminelë. Kjo nuk është retorikë politike, por fakt i vërtetë.
Një takëm prej këtyre e kanë lënë tashmë parlamentin, por nuk është se kanë mbaruar, ka dhe të tjerë në parlamentin aktual. Ndaj këto fjalë merrini mbrapsht!S’janë për ne, janë për ju!
Paralela që po përpiqeni të bëni me 21 Janarin është qesharake. i vratë njëherë ata, po i vrisni për herë të dytë! Keni pasur 5 vjet kohë në dispozicion për të zbardhur të vërtetën. Por e vërteta është një dhe e thjeshtë: Ishte puç kushtetues! Keni dashur të merrni pushtetin me forcë, me dhunë, keni sulmuar Kryeministrinë me të gjitha mjetet e mundshme! Ky është dallimi mes nes dhe jush! Ne nuk e marrim pushtetin me dhunë! Protestat tona në dallim nga tuajat janë brenda limiteve politike. Por natyrisht ka një moment kur policia provokon dhe njerëzit reagojnë si në këtë rastin e Partia Demokratike u tregua forcë e përgjegjshme.
Deputetët e saj, e keni në të gjithë regjistrimet, kanë dalë në krah të Policisë dhe kanë qetësuar njerëzit.
Ky është dallimi i madh midis nesh dhe jush dhe më pas, dallimi midis Edi Ramës dhe Lulzim Bashës: Ndërsa Edi Rama i nxiste me telefon nga kullat e tua Fidel, Lulzim Basha erdhi i tërhoqi njerëzit dhe i çoi tek PD-ja,” theksoi kryetari i Grupit Parlamentar të PD-së
