SPAK: 40 milionë €, humbja për inceneratorët! Edi Rama: S’jam llogaritar, por Kryeministër!
Nuk e kuptoi njeri pse doli sot Kryeministri Edi Rama para mediave kur nuk u përgjigj në asnjë pyetje! Madje tejkaloi dhe diktatorin rus Vladimir Putin i cili me gjithë çmendurinë që e karakterizon, ishte më i dinjitetshëm se homologu i tij shqiptar i cili lufton opozitën duke shpik Rregullore në Parlament!
U mburrë me suksesin e negociatave me Bashkimin Evropian ndërkohë që po vinte nga Samiti i BE-Ballkani Perëndimor që u mbajtë në Bruksel dhe ku iu komunikua se nuk do të hapen kapitujt negociues me Shqipërinë. Gjithsesi, të mërzitur ishin dhe ngelën shqiptarët sepse për këtë sukses me dështim Edi Rama kishte përgatitur shpërblimin e fundvitit për 1.144 punonjës të administratës që ishin angazhuar në këtë proces negociues, dhe e bëri publik: Paga e 13-të!
Mos u acaroni, këtu është dhe një lajm i mirë: Ndër këta 1.144 patronazhist komunistë nuk figuron emri i Edi Ramës!
Dhe, dështimi i dytë në ditën e zezë të së mërkurës së 14 Dhjetorit nuk kishte as edhe një koment nga Kryeministri Edi Rama ndonëse vetë Skënderbeu i Spiropalit kishte paralajmëruar se sot do të ratifikohet Marrëveshja me Italinë për emigrantët. Pa turp dhe madje as keqardhje për deputetët e Lulzim Bashës të cilët që nga e premtja po ushtronin se si mbahet lartë dora me karton jeshil, pavarësisht se opozita italiane ishte kundër kësaj Marrëveshje kriminale.
Gjykata Kushtetuese pezulloi ratifikimin e Marrëveshjes, PD e Edi Ramës e zhgënjyer uli dorën me kartonin jeshil ndërsa shqiptarët kishin rastin ta shohin Kryeministrin Rama kur thotë se nuk çfarë të shtoj, edhe pse u privua nga degjenerimit i plazhit të Shëngjinit me emigrant afrikanë të Melonit.
“Është e drejta e gjykatës Kushtetuese, është e sanksionuar në Kushtetutë detyra automatike e gjykatës për të shqyrtuar një marrëveshje me shtet të huaj. Nuk kam ça të shtoj asgjë që lidhet me detyrat e mia!”
Dhe jo vetëm kaq! Pak ditë më parë shqiptarët dëgjuan Kryeministrin Edi Rama se sa i angazhuar që është për qytetarin e Shqipërisë dhe mirëqenien e tij, por sot po nga goja e këtij kryeministri dëgjuan se nuk është që shqetësohet edhe kur është fjala për 40 milionë euro të humbur të taksapaguesëve të këtij vendi. Madje, edhe kur këtë e pohon SPAK-u i Partisë së tij Socialiste dhe jo opozita ose largëqoftë mediat kazanë.
“E para e punës, nuk jam llogaritar, por kryeministri i Shqipërisë. SPAK është organi i akuzës, gjykata është organi që vendos. Mes këtyre dy gjërave ka një proces ku përfshihen komponentët që e bëjnë procesin. Edhe pa SPAK-un fare, këto lojërat e llogarive t’i shoh me skepticizëm. Ky është një proces që do të bëjë rrugën e vetë. Në fund ka një gjykatë që do të bëjë punë e vetë,” tha Rama dhe ndonëse skeptik rezulton edhe dembel si partneri i tij koalicionit Basha, dhe nuk dënjon të sqaron as firmën e tij për bonusin që i ka dhënë një kompanie fantazmë për inceneratorët.
“Mbaj përgjegjësi për çdo firmë dhe çdo firmë e imja është fryt i një procesi dhe ai mekanizëm ka përfaqësues nga institucionet që kanë kompetencat e tyre. Kur ky rezultat merr firmën time, merret vendimi. Unë nuk kam asnjë dëshirë që të përfshihem në këto kalkulimet e natyrës jo aritmetike. Është e drejta e të gjithëve të bëjë komente, por…Mitingun mos e bëj një konferencë për shtyp. Nuk kthej dot një përgjigje që nuk është përgjigja ime. Po të shpjegoj me qetësi se si funksionin procesi i vendimmarrjes. Nuk marr njoftime individuale, janë pjesë e një procesi.
Në fund fare firma ime vendoset kur mekanizmi ka përfunduar punën. Mbasi shtrohet çështja dhe merr miratimin e të gjithë ministrave. Në qeverinë time nuk merret njoftimi nëse çdo gjë nuk sheshohet përpara. Firma është zbardhja e një vendimi që merret me këtë proces. Në qeverinë time mund të bëhet që një vendim të marrë kohë 6 muaj, ose të jepen 32 vendime brenda një dite. Ndaj bëra dhe krahasimin. Nuk merret njoftim; bëje këtë pyetje.” tha Edi Rama dhe si zakonisht kur nuk ka se çfarë të thotë këshillon, dhe me këtë rast Kryetari i Taulantit, Bashës dhe gjithë komunistëve shqiptarë këshilloi mediat:
“Mos harroni asnjëherë atë që ju them. Kur Shqipëria arrin sukses, Shqipëria është edhe e juaja, jo vetëm e imja. Kështu që buzëqeshni pak dhe mos jetoni gjatë gjithë kohës me idenë e plehrave.”
Dhe në fund, duke thyer rekordin si Kryeministri i parë që ndëshkoi Kosovën pse nuk largoi policinë nga veriu, Edi Rama bëri të ditur se ishte dhe Kryeministri i fundit në Evropë, nga shtetet që e njohin shtetin kosovar, që i ka kërkuar Këshillit Evropian të heqë të gjitha masat shtrënguese që u ndërmorën ndaj Kosovës, pa kërkuar falje pse e kishte ndëshkuar Kosovën kur vendimi i Kryeministrit Albin Kurti për policinë në veri rezolutoi i drejtë, madje vendimtar për ruajtjen e shtetësisë së Kosovës ndaj sulmit terrorist të Serbisë .
“Rajoni e ka të nevojshme si dritën, ajrin, ujin për jetën që të dalë përfundimisht nga zona e dhimbshme e historisë dhe kam theksuar që është koha që Kosova të ndërtojë qasjen mbi themelin e ri që ka vënë me hapin shumë pozitiv që hodhi duke pranuar pas një humbje kohe të gjatë krijimin e asociacionit e komunave me shumicë serbe duke bërë që t’i hapë rrugë të gjithë përfitimeve që vijnë nga një marrëveshje përfundimtare.”
