SPAK arreston inspektorin e DPT, 5 mijë euro për të mos çuar subjektet në Prokurori

Finalizohet me sukses operacioni policor i koduar “Tatimori”. Operacioni nga Seksioni për Hetimin e Korrupsionit në Policinë e Tiranës, nën drejtimin e Prokurorisë së Posaçme Kundër Korrupsionit dhe Krimit të Organizuar, SPAK, Tiranë vuri në pranga një inspektor të Drejtorisë së Përgjithshme të Tatimeve në Tiranë është arrestuar pasi u konstatua se i merrte shuma monetare subjekteve private për mos i hetuar apo për t’i çuar në Prokurori.

E.T, është arrestuar gjatë operacionit ‘’Tatimori’’ teksa në një rast konkret ai i ka marrë 5 mijë euro një administratori të një subjekti privat për ta ‘falur’ pasi u kap me shkelje.

Shuma tashmë i është sekuestruar nga Policia kurse tashmë ai akuzohet për ”Korrupsion pasiv” por ndërkohë jo vetëm kaq, por operacioni vijon për tëzbuluar ngjarje të tjera dhe persona të implikuar në veprimtari korruptive.

Njoftim

Finalizohet operacioni policor i koduar “Tatimori”.

Operacioni nga Seksioni për Hetimin e Korrupsionit në Drejtorinë Vendore të Policisë Tiranë, nën drejtimin e Prokurorisë së Posaçme Kundër Korrupsionit dhe Krimit të Organizuar Tiranë.

Vihet në pranga 1 shtetas, për veprën penale “Korrupsioni pasiv i personave që ushtrojnë funksione publike”.

Seksioni për Hetimin e Korrupsionit në Drejtorinë Vendore të Policisë Tiranë, nën drejtimin e Prokurorisë së Posaçme Kundër Korrupsionit dhe Krimit të Organizuar Tiranë, finalizoi operacionin policor të koduar “Tatimori”, në kuadër të të cilit u arrestua shtetasi:

-E. T., 37 vjeç, me detyrë inspektor në Drejtorinë e Hetimit Tatimor në Drejtorinë e Përgjithshme e Tatimeve.

Nga hetimet e kryera ka rezultuar se ky shtetas iu kërkonte dhe iu merrte shuma të konsiderueshme monetare subjekteve të ndryshme private, si këmbim për të mos i hetuar dhe mos i referuar në prokurori, kur këto subjekte konstatoheshin në shkelje.

Në cilësinë e provës materiale u sekuestrua shuma monetare prej 5000 eurosh, të cilën ky shtetas ia kishte marrë administratorit të një subjekti privat.

Vijon puna për dokumentimin ligjor të plotë të kësaj veprimtarie kriminale dhe për identifikimin e personave të tjerë të përfshirë në këtë veprimtari korruptive.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore.