SPAK edhe punon, i shkruan Letër Kuvendit: Mandat të pakufizuar për prokurorët!
Struktura e Posaçme kundër Korrupsionit dhe Krimit të Organizuar, SPAK, kërkon mandat të pakufizuar për prokurorëët. Në Letrën drejtuar Kuvendit, Komisionit te ligjeve KLP, EURALIUS, OPDAT dhe Ambasades Amerkane, duke kërkuar ndryshime ligjore për mandatin e prokurorëve, prokurorët e SPAK kërkojnë mandat të pakufizuar duke argumentuar, se do jenë më të sigurtë në punën e tyre për hetime të botës së krimit dhe politikanëve të korruptuar dhe nuk do e kenë frikën e kërcënimit pasi ti përfundojë mandati.
“Struktura e Posaçme kundër Korrupsionit dhe Krimit të Organizuar është duke u konsoliduar në mënyrë të vazhdueshme në drejtim të plotësimit të saj me kapacitetet njerëzore dhe teknike të nevojshme. Rezultatet e saj janë në rritje të vazhdueshme, gjë që konfirmohet nga të dhënat statistikore të vitit 2020, por sidomos të vitit 2021 (janar-shtator 2021).
Konstatohet rritje e numrit të rasteve të procedimeve penale të regjistruara, rritje e numrit të rasteve të procedimeve penale të dërguar për gjykim, rritje e numrit të rasteve të dënimeve dhe konfiskimeve me vendim të formës së prerë të gjykatës.
Nga vlerësimi që kemi konstatuar gjatë periudhës dy vjeçare nga momenti i krijimit të Prokurorisë së Posaçme, mendojmë se është e domosdoshme që të bëhen disa ndryshime ligjore në funksion të rritjes së efektivitetit të punës së SPAK,” thuhet në kërkesë ku listohen prozimet e SPAK për ndryshimet ligjore.
Sipas Kushtetutës, prokurorët e SPAK kanë një mandat 9 vjeçar dhe pa të drejtë rikandidimi. Në shkresën e dërguar drejt Kuvendit, theksohet fakti që do të ishte e vështirë gjetja e 20 prokurorëve të tjerë me vjetërsi pune duke qenë se numri i tyre në sistem po vinte në rënie.
Ndryshe, për të gjithë ata që ankohen se SPAK nuk punon asgjë, ja që po punon dhe kjo është dëshmia se Struktura e Posaçme kundër Korrupsionit dhe Krimit të Organizuar bënë shkresa, nëse ka zhgënjyer në luftën kundë krimit të organizuar dhe korrupsionit ajo është tjetër.
