SPAK ka përgjime, Berisha: Veliaj urdhëron Mërtirin të paguajë Bolinon, Blushin, Fugën!

Sot, Kryetari i Partisë Demokratike, Sali Berisha, ka bërnjë denoncim të fortë duke theksuar se në dosjen e SPAK ekzistojnë mesazhe, emaile, në të cilat konfirmohet se pronari i inceneratorit që nuk ekziston, Erion Veliaj, urdhëron Mërtirin t’i jep 200 mijë euro Karlo Bolinos, 100 mijë euro Fugës, 100 mijë euro Blushit.

Në konferencën e përjavshme, sot Kryetari i Partisë Demokratike përshëndeti deklaratën e Ambasadës së Shteteve të Bashkuara në Tiranë që nuk ndërhyjnë në punët e brendshme të partive.

“Kam deklaruar para jush këtu dhe kudo, se sipërmarrja e djegësave ka pronar qeveritarë, kurse Zoto dhe Mërtiri janë thjesht pronarë në letra dhe mundet aksionerë në një shkallë të caktuar.

Këtë tezë e kam bazuar te njohuritë e mia si ish-kryeministër, sepse aktet e kryera, nuk mund të ndodhin kurrë përveç nga interesa perverse të përvetësimit dhe pasurimit të qeveritarëve.

Kurrë, një zyrtar nuk mund t’i lejonte vetes firma të tilla dhe akte të tilla.

Kurrë ndonjëherë, Zoto dhe Mërtiri nuk do mund të arrinin të ndryshonin strategjinë e trajtimit të mbetjeve urbane në bashkinë e Tiranës dhe qarkun e Tiranës, nga strategji e hartuar nga IFC për landfill dhe absolutisht kurrë djegie, siç gënjen pronari i vërtetë i djegësit.

Askush nuk mund të zëvendësonte këtë strategji me djegien, përveç Erion Veliajt.

Askush tjetër nuk mund të falsifikonte vendime të Këshillit Bashkiak dhe të Këshillit të Qarkut, përveç ai që kishte parashikuar që vidhte qindra miionë euro në këtë ndërmarrje.

Askush nuk mund të detyronte në kundërshtim me ligjin, me tre polici, të gjithë ndërtuesit dhe qytetarët e Tiranës, që çdo dhe, çdo material interte, t’i depozitonte me detyrim në Sharrë, përkundrejt një pagese, duke vendosur një rrethin të plotë të Tiranës.

Askush, përveç Erion Veliajt nuk mund të propozonte bonus 8 përqind për kompaninë e tij të djegësit të Tiranës.

Askush nuk mund të merrte përsipër me shkrim se fizibiliteti është i vërtetë, edhe pasi ta kthente pesë herë Ministria e Financave.

Askush nuk mund të zotohej që do mbikëqyrte çdo muaj punimet përveç Erion Veliajt.

Dhe Erion Veliaj është i lirë,” u shpreh Sali Berisha duke bërë të ditur se SPAK ka përgjime ku Veliaj urdhëron Mërtirin të paguajë Bolinon, Blushin, Fugën.

“Çfarë kanë zbulimet e fundit?

Zbulimet e fundit faktojnë atë që u kam deklaruar ju në mënyrë të vazhdueshme.

Ndërmarrja është e Erion Veliajt.

Sot, në dosjen e SPAK ekzistojnë mesazhe, emaile, në të cilat pronari i djegësit që nuk ekziston, Erion Veliaj, urdhëronte Mërtirin t’i jepte 200 mijë euro Karlo Bolinos, 100 mijë euro Fugës, 100 mijë euro Blushit.

Lista vazhdon, por po ndalem me këta të tre.

Pra, ishte ky pronari i parë që urdhëronte se kaq para t’i jepen këtij apo atij.

Kjo është e vërteta.

Pse e thashë këtë këtu? E thashë këtë së pari në mbështetje të tezës se unë kam shtruar se sipërmarrja nuk mund të jetë kurrë Mërtiri-Zoto. Kjo nuk mund të ndodhë kurrë.

Mua më kanë thënë edhe përqindjet e aksioneve të Veliajt. Por unë po rezervohem.

Këtë njoftim e bëra se po bëhen tentativa për të zhdukur fashikuj në dosjen e SPAK-ut.

Nëse aty ka prokurorë të ndershëm, ta kyçin me tre çelësa këtë dokument në kasafortë që fakton në mënyrën më përfundimtare pronësinë e djegësit të Tiranës.

Ta kyçin, madje ta shpërndajnë fotokopje,” tha Berisha duke shtuar se bazuar në përgjimet e Veliajt mund të konstatohet se kriminelë të mirëfilltë zhvillojnë veprimtari kriminale në gjirin e SPAK dhe të BKH

“A ju kujtohet ju, a nuk humbën në katastrofën më sekrete të Ministrisë së Brendshme, a nuk u vodhën dosjet e krimit në katastrofë?

Përveç kësaj, unë u them se çështja e fashikujve është një problem madhor.

Unë e shtrova këtu para jush, por ka të dhëna të tjera se aty ka kriminelë të mirëfilltë, që zhvillojnë veprimtari kriminale në gjirin e SPAK dhe të BKH.

Ndaj dhe uroj që të merren të gjitha masat. Këto dokumente kaq të rëndësishme, të cilët tashmë rrëzojnë përfundimisht tezën e myshteriut, se unë kam qenë myshteri i Zotos, thotë hajduti Erion Veliaj.

Ndaj dhe, ky zhvillim është pozitiv, por të presim, të vëzhgojmë se çfarë rrjedhje do marrin.

Për Erion Veliaj ka edhe dokumente të tjera.

Sapo të disponohen, të parët do i merrni vesh ju se unë i sjell ju që publiku t’i marrë vesh përmes medias.”

Në fund të konferencës së përjavshme, Kryetari i Partisë Demokratike përshëndeti deklaratën e Ambasadës së SHBA që nuk ndërhyjnë në punët e brendshme të partive.

“Gjysma e mesazhit thotë se SHBA nuk ndërhyjnë në punët e brendshme të partive, është në të drejtën e tyre të zgjedhin.

Është pikërisht kjo që unë përshëndes.

Nëse ka një njeri që ka bërë në 32 vite përpjekje që të zgjedhin me votën e tyre njerëzit, ky është Sali Berisha.

Do të kthej një gjë shumë private dhe jo të zakonshme.

Idhulli, çdo njeri ka idhujt e vet, idhulli i jetës time ka qenë Martin Luteri. Unë jam mysliman, sunit, krenar me besimin tim. Por duhet të jem i sinqertë me ju.

Kur unë kam gjetur tezat dhe shkrimet, ai më ka impresionuar në shkallën më të jashtëzakonshme. Dhe më ka ndikuar. Duhet ta lexoni atë. Këtë person,” shprehet Kryetari i Partisë Demokratike, Sali Berisha, duke përfunduar:

“Për mua, unë nuk jam i krishterë, por ai në fund të fundit ishte shenjtori i antikorrupsionit dhe i ka shërbyer njerëzimit me ato teza ndoshta sa pak kush tjetër.

Por ka një problem tjetër ai, kur vjen puna në raport me ndërgjegjen e tij. Qëndron aq besnik te ndërgjegjja e tij, saqë frymëzon çdo njeri që lufton për të vërtetën.

Unë e thashë se idhull kam Martin Luterin. Kjo është përgjigja për mesazhin.”