Video/ Spanja dhe Portugalia pa energji elektrike, kaos dhe panik
Madridi, Lisbona dhe pjesa më e madhe e Spanjës dhe Portugalisë kanë mbetur pa energji elektrike si dhe një pjesë e Francës.
Operatori i rrjetit të energjisë Red Eléctrica Nacional ende nuk e ka zbuluar shkakun e kësaj ndërprerje por thotë se në veri dhe jug të Spanjës ka filluar furnizimi.
🚨 Panne de courant dans toute la ville de Madrid. Même les feux de circulation ne fonctionnent plus. 🇪🇸
— Univers Tennis 🎾 (@UniversTennis) April 28, 2025
Les matchs du Mutua Madrid Open sont actuellement suspendus. 🛑pic.twitter.com/HPtgGUp9fv
Rrugët janë në në kaos, rrjeti hekurudhor Adif gjithashtu nuk ka energji elektrike dhe në gjithë Spanjën është një kaos ndërsa disa kompani kanë anuluar fluturimet drejtë Madridit.
❗️⚡️🇪🇸🇵🇹🇫🇷🇦🇩 – On April 28, 2025, a significant power outage continues to affect Spain, Portugal, Andorra, and parts of France, with no immediate resolution in sight.
— 🔥🗞The Informant (@theinformant_x) April 28, 2025
The blackout has disrupted electricity supply in major cities, including Madrid, Valencia, and Barcelona, as… pic.twitter.com/fAxRdUd1oB
Metroja nuk punon në Madrid, situatë e ngjashme është në Lisbonë ndërsa linjat telefonike nuk funksionuan për mbi një orë dhe aktualisht luten qytetarët që të mos thërrasin numrin e emergjencës 112 përveç se në raste të rënda sepse për çdo gjë do informohen.
Kompania ajrore portugeze TAP Air Portugal ka informuar qytetarët që të mos nisen në drejtim të aeroportit deri në një informacion të dytë.
Në Francës, si pasojë e ndërprerjes së energjisë elektrike në Spanjë dhe Portugali, kishte raste të izoluara të ndërprerjes së energjisë elektrike si në qytetin Perpignana, por jashtë këtyre zonave Franca nuk është goditur.
Me energjinë elektrike u ndërpre edhe uji dhe raportohet se në disa supermarkete portugeze është krijuar panik edhe në blerjen e ujit pa gazë, dhe me shitjen e tijë ka filluar ai me gaz!
Instituti Kombëtar për Siguri Kibernetike, INCIBE, po shqyrton situatën e krijuar për të konfirmuar nëse bëhet fjalë për sulm kibernetik, dhe përkundër lajmeve kundërthënëse, ende nuk ka një qëndrim zyrtar.
Qeveritë spanjolle dhe portugeze po mbajnë mbledhje urgjente ndërsa operatori Red Eléctrica tha se rikthimi i furnizimit normal me energji elektrike mund të zgjas deri në 10 orë.
