Spanja e Portugalia kalojnë në 1/8, ja me kë përballen
Portugalia është kualifikuar me vështirësi për në raundin tjetër të Botërorit “Rusi 2018”, pasi barazoi 1-1 me Iranin. Iranianët patën mundësinë e artë që në minutën e katërt shtesë të fitonin takimin dhe të nxirrnin jashtë portugezët.
Quaresma shënoi në minutën e 45 të pjesës së parë për Portugalinë, ndërsa Irani barazoi me penallti në minutën e 93, me Ansarifard.
Për t’u shënuar që Cristiano Ronaldo humbi 11-metërsh në minutën e 53, ndërsa rrezikoi të ndëshkohej me karton të kuq për një episod në minutën e 83, por pasi u vëzhgua me VAR, kapiteni portugez u ndëshkua vetëm me të verdhë.
Spanja kaloi nga ferri në gëzim, edhe pse s’mund të quhet parajsë me kuptimin e plotë të fjalës. “La Roja” e pa veten në disavantazh shumë shpejt, kur Maroku shënoi në minutën e 14 me anë të Boutaib, por Isco do të gjente rrugën e golit për t’i drejtuar ekipet në dhomat e zhveshjes me rezultat të barabartë.
Në pjesën e dytë, atëherë kur të gjithë prisnin golin e spanjollëve, do të ishin sërish marokenët që do të shënonin, vetëm 9 minuta nga fundi i kohës së rregullt, me anë të En Nesyri.
Do të duhej vetëm ndërhyrja e VAR-it, që spanjollëve t’u regjistrohej si i vlefshëm një gol i Iago Aspas në minutën e 3-të shtesë, duke i dhënë kështu mundësinë “La Roja”-s të kualifikohen si të parat në grupin B, duke gjetur përballë në 1/8-at e finave ekipin e Rusisë.
Një kualifikim që u vendos me drithërimash, pasi edhe në ndeshjen tjetër, Portugalia nuk shkoi më shumë sesa barazimi 1-1 ndaj Iranit, duke mbetur në vendin e dytë.
IRAN-PORTUGALI ORA 20:00
Iran: Biernvand, Amiri, Azmun, Ebrahimi, Ezatolahi, Hajsafi, Hoseini, Jahanbaksh, Pourliganji, Rezaein, Taremi. Trajner: Kueiroz.
Portugalia: Rui Patrisio, Fonte, Guerreior, Pepe, Soares, Kavajo, Zhoao Mario, Kuarezma, Adrien Silva, Andre Silva, Ronaldo. Trajner: Santos.
20:00 | Spanjë-Marok
FORMACIONET
Spanja: De Gea, Alba, Karvajal, Pike, Ramos, Buskets, Alkantara, Iniesta, Isko, Silva, Kosta. Trajner: Hierro.
Maroku: Munir, Ambrabat, Belhanda, Busufa, Butaib, Da Kosta, Dirar, El Ahmadi, Hakimi, Sais, Ziesh. Trajner: Renard
