Spektakël/ I shemb objektin Shullazit dhe “tallet” Erion Veliaj: I fortë me nam? U pika…

Bashkia e Tiranës ka prishur një strukturë metalike pa leje në një zonë të Laprakës. Meqë, sipas kryetarit Erion Veliaj, bëhej fjalë për një pronë të disa të fortëve të zonës, nuk mungoi as spektakli.

Inspektorët e bashkisë ishin kërcënuar disa herë nga të fortët e lagjes, që janë identifikuar si pjesë e bandës së Emiljano Shullazit. Dhe, kjo nuk është ndonjë çudi sepse kemi të bëjmë me një realitet sa herë vijnë në pushtet socialistët.

Sot Bashkia njofton se struktura u prish nga Inspektorati i Mbrojtjes se Territorit, me mbështetjen e Policisë se Shtetit dhe Policisë Bashkiake, kurse materialet e ndërtimit pa leje nga njerëzit e Shullazit iu drejtuan Prokurorisë.

Lajmin e prishjes e bëri të ditur,  kryetari i Bashkisë së Tiranës, Erion Veliaj, i cili përveç se prishi këtë strukturë metalike, përmes rrjetit social propagandon se koha e të fortëve në Tiranë ka marrë fund.

“Si si? Këtë strukturë pa leje e ka një i fortë me nam? U pika! Një arsye më shumë për ta shkulur një orë e më parë e për të rrëzuar këto mite banale se gjerat e të fortit nuk preken! Qyteti i mirë është më i fortë se kushdo! Jo zaptime, jo baste – po rregull, po qytetari,”  shkruan Erion Veliaj tashmë edhe i fortë.

Ndryshe, struktura metalike e Emiljano Shullazit edhe mund të shkulet nga Erion Veliaj por në Bashkinë të cilë ai drejton, çdo dokument ose leje më ordinere, më lehtë mund të merret përmes njerëzve të Shullazit se këtij që bënë sikur administron Tiranën. U pika…