Spektakli “Anti-KÇK” vazhdon, Edi Rama: Përgjigje jo vetëm krimit, por edhe atyre që ushqejnë mosbesimin…

Miratimi i Aktit normativ “Anti-KÇK” nuk është fundi i telenovelës qeveritare, e cila për 7 vjet nukarrestoi asnjë nga bosët e krimit të cilët madje vjedhën edhe vota për llogari të mazhorancës qeverisësve. Por kjo nuk e pengoi Kryeministrin Edi Rama që ti kërcënoi ata ndërsa ka prezantuar sot Njësinë “Anti-KÇK” në një ceremoni në repartin RENEA ku është trajnuar Njësia “Operacioni Forca e Ligjit”:

“Jemi këtu për një mision që ka rëndësi të jashtëzakonshme. Fillon nesër. Nesër, dmth, nesër ditën e hënë dhe jo në të ardhmen. Tani më ne kemi në dispozicion një instrument jashtëzakonisht të fortë në duart e shtetit, të Policisë së Shtetit dhe OFL-së. Ligj special për marrjen e të gjitha masave ndaj atyre që janë dënuar apo janë akuzuar për krim të organizuar, apo terrorizëm. Dhe sot ne kemi një garanci më shumë; SPAK-un. Tani më SPAK është formuar dhe kjo është sprova e parë për vet SPAK, por duke pasur një besim absolut tek ata që janë bërthama e këtij institucioni të sapolindur, por të përgatitur për një kohë të gjatë në procesin e vettingun, kam besim se jemi në kohën e duhur dhe në vendin e duhur. Kemi forcat e duhura për të bërë një ndryshim historik në marrëdhënie me krimin në hapësirat e territorit tonë. Duhet t’ja u bëjmë të parehatshëm Atdheun atyre që janë subjekte të këtij ligji special. Atdheu për ta nuk mund të jetë sheshi për të bërë përshesh. Nuk mund të jetë shteti ndërtimit për vilat dhe bizneset e tyre që nuk burojnë nga puna, por burojnë dhe nga gjaku i komisarëve dhe policëve të vrarë. Nuk mund të jetë platforma e ekspozimit të muskujve në klube dhe hapësira të tjera publike ku të rinjtë dhe familjet mblidhen më të drejtën e tyre për të kaluar. Por duhet të jetë ferri i tyre. Ata nuk meritojnë të ecin as mbi gomar, jo dhe më tek makinat e blinduara. Pasi fyejnë dhe gomarin.”

Sot, garantoi Edi Rama, subjekte të ligjit janë jo vetëm ata që janë dënuar, por dhe ata që janë lënë të lirë.

“E dinë drejtues të Policisë së Shtetit se sa shumë herë subjekte të këtij ligji sot janë hetuar dje, janë ndaluar, janë çuar dje para gjykatave dhe i kanë nxjerrë gjuhën të gjithë sakrificave dhe të gjithë besimit tuaj në shtet, duke dalë përsëri të lirë, pa i hyrë gjë në këmbë. Sot janë subjekte të ligjit. Jo vetëm ata që janë dënuar, por dhe ata që janë lënë të lirë. Do duhet të paraqisni prova të pasurisë së tyre,” tha Edi Rama duke folur për asetet që kanë këta kriminel dhe gjyqtarët që i liruan, por Kryeministri nuk tha se ata kanë vrarë edhe policë, madje vetëm njëri 4, dhe pret të lirohet pasi gjatë kësaj qeverisje atij i është anuluar dënimi i përjetshëm, dhe “Anti-KÇK” do të mbyllë sytë duke pritur vettingun!

Një kohë ekstreme, kërkon masa ekstreme thotë një shprehje dhe besoj që është vendi për ta përsëritur në këtë kohë dhe moment, tha Edi Rama ndërsa kërcënoi edhe ata që pasyqrojnë dështimin e kësaj qeverie, dhe kryeministri konsideron se ushqejnë mosbesimin te angazhimi të tijë për të luftuar deri në fund:

“Sot është një moment i veçantë dhe jam i bindur që është një pikë me një rëndësi të atillë që do të shënojë një nivel të ri, jo vetëm të përballjes me krimin, por edhe të autoritetit dhe të respektit të publikut të policisë së shtetit dhe vetë shtetit. Një kohë ekstreme, kërkon masa ekstreme thotë një shprehje dhe besoj që është vendi për ta përsëritur në këtë kohë dhe moment, kur jemi bërë gati për një përballje ekstreme me krimin e organizuar dhe kur është ekstreme koha për t’i dhënë një përgjigje dërrrmuese, jo vetëm krimit, por edhe të gjithë atyre ushqejnë mosbesimin te angazhimi ynë për të luftuar deri në fund.”