Spektakli i radhës, EULEX në Zyrat e OVL-UÇK…
Në kohën kur duhej të jepnin dorëheqje përgjegjësit nga Gjykata Speciale për dosjet që përfunduan në Organizatën e Veteranëve të Luftës, OVL-UÇK dhe jo vetëm, në selinë e kësaj të fundit, sot ia behën policët e armatosur deri në dhëmbë të EULEX-it.
Mësohet se është arrestuar kryetari i OVL-UÇK, Hysni Gucati.
Kontrolli që bëri Njësia Speciale e EULEX-it nën urdhrat e Gjykatës Speciale mund të ishte normal sikur reagimi i kësaj Gjykate do të ishte i menjëhershëm dhe të parandalonte që Kosova dhe vetë ajo të bëhen gaz i botës, Por, ndërsa dosjet e kësaj Gjykate vërdallosen poshtë e lartë, dhe Hysni Gucati nuk ishte person që fshihej akisone të tilla populli i Kosovës kishte rastin të shoh edhe më parë, dhe e gjitha përfundoi me turp dhe dështim të drejtësisë ndërkombëtare.
Pas aksionit, Nënkryetari i OVL-UÇK-së, Nasim Haradinaj, ka reaguar ndonëse ishte jashtë zyrave.
“Aktualisht jam jashtë zyrave, më vjen shumë keq që nuk jam aty. Ne të gjithë sot kemi një mision dhe një detyrë. Jo, nuk jemi paralajmëruar për këtë bastisje, vetëm nga mediat, në telefon nuk përgjigjet askush përveç sekretarit Klinaku i cili më tha se nuk më lejojnë të ngjitem lartë,” tha Haradinaj për TV Dukagjini duke shtuar:
“Unë e telefonova avokatin Tomë Gashi i cili më konfirmoi se ka hyrë brenda dhe pastaj procedurat e tyre që janë. Bëhet fjalë për një poshtërim të shtetit dhe pushtetit tanë, bëhet fjalë për një urdhër të një prokurori dhe fjalë të Vehbi Kajtazit, të cilin e përgëzoj për suksesin e tij me EULEX-in,” ndërsa nuk kishte informacione në lidhje me ndonjë arrestim:
“Për ato detaje i flet avokati. Ajo që na dobëson si shtet është se në Kosovë kush të dojë sorollatet dhe bën çfarë të dojë. Ne nuk kemi as Kushtetutë, as Parlament, asgjë, por jemi kukulla.”
Vetë avokati Tomë Gashi, pavarësisht forcave të shumta të EULEX-it u paraqit në zyrat e OVL-UÇK-së, duke theksuar se beson që EULEX-i nuk po e kërkon askënd.
“Unë besoj që nuk po e kërkojnë askënd, atë që e kërkojnë e dinë se ku me gjet,” tha Tomë Gashi.
Në fund u raportua se është arrestur kryetari i OVL-UÇK por jo dhe ata që sollën dosjet e Gjykatës Speciale në këtë shoqatë; Ndërsa Nënkryetari i OVL-UÇK-së, Nesim Haradinaj, konfirmoi arrestimin e Hysni Gucatit i cili raportohet se do të ekstradohet në Hagë.
Ndryshe, një ditë pas arrestimit dhe konfirmimit të aktakuzës për Salih Mustafën, zyrtarët e EULEX-it kanë zbarkuar sot në zyrat e veteranëve të UÇK-së ku realizuan arrestimin e radhës.
