SPIEGEL: Policia gjermane shoqëron Kryeministrin Edi Rama
Policia gjermane ka shoqëruar Kryeministrin e Shqipërisë, Edi Rama. Këshu shkruan sot e përditshmja gjermane SPIEGEL, pas një mosmarrëveshje për maskën kundër koronavirusit që kishte ndodhur në avionin e kompanisë ajrore Lufthansa.
Ngjarja ka ndodhur në dhjetorin e vitit 2021, përpara nisjes së një avioni nga Frankfurt për në Detroit, kur ekuipazhi thirri kapitenin për ndihmë dhe ky i fundit u detyrua të këroi ndihmë nga policia për shkak të kryeministrit të pabindur shqiptar për vendosjen e maskës sipas rregullave të përcaktuara .
“Vetëm pasi e bindi një punonjës i Ministrisë së Jashtme Federale të thirrur me ngut në sallën e Senatorëve, Rama më në fund pranoi të zbatonte rregulloret e parashikuara për koronan, si të gjithë pasagjerët e tjerë në bordin e Lufthansa. Linja ajrore më pas e akomodoi Ramën dhe delegacionin e tij prej dhjetë anëtarësh në një avion tjetër për në Shtetet e Bashkuara,” thekson SPIEGEL duke saktësuar se iu hoq edhe një gjobë e mundshme për shkelje të detyrimit për të mbajtur maskë në bord.
Shkrimi i plotë:
Policia gjermane ka shoqëruar Kryeministrin e Shqipërisë,, Edi Rama, pas mosmarrëveshjes për maskën kundër koronavirusit nga avioni i Lufthansa
Edi Rama shkaktoi një skandal në bordin e avionit të Lufthansa gjatë valës së katërt të koronavirusit. Kryeministri shqiptar nuk ka dashur të mbajë maskë. Kur edhe piloti nuk arriti të zgjidhte konfliktin, është njoftuar dhe ka mbërritur policia.
Sipas kolegëve të pasagjerëve, kreu i qeverisë refuzoi aq ashpër kundër mbajtjes së maskës mbrojtëse mjekësore në fillim të dhjetorit, përpara nisjes së një avioni nga Frankfurt për në Detroit, saqë ekuipazhi thirri kapitenin për ndihmë.
Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për detyrimin e përgjithshëm për të mbajtur një maskë FFP2 ose një maskë kirurgjikale në vend të një maskë pëlhure, Rama u shoqërua nga policia federale.
Vetëm pasi e bindi një punonjës i Ministrisë së Jashtme Federale të thirrur me ngut në sallën e Senatorëve, Rama më në fund pranoi të zbatonte rregulloret e parashikuara për koronan, si të gjithë pasagjerët e tjerë në bordin e Lufthansa.
Linja ajrore më pas e akomodoi Ramën dhe delegacionin e tij prej dhjetë anëtarësh në një avion tjetër për në Shtetet e Bashkuara. Gjithashtu iu hoq edhe një gjobë e mundshme për shkelje të detyrimit për të mbajtur maskë në bord.
Shefi i Lufthansa-s, Carsten Spohr, së fundmi e përmendi incidentin në një intervistë në Spiegel. Edhe pse shefi i linjës ajrore nuk e përmendi emrin e Ramës, ai theksoi se nuk ka asnjë trajtim preferencial kur bëhet fjalë për detyrimin për të mbajtur maskë-as për një kryetar qeverie. Në fillim të krizës së koronës, Lufthansa vendosi detyrimin për maskë.
