Spiunia ruse futet në mesin e oficerëve të lartë të NATO-s në Itali! Ja si ndodhi…

Tre minuta para mesnatës së 14 shtatorit 2018 bie celulari i Andrej Averjanovit. Edhe pse ishte vonë, gjenerali Averjanov, komandant i njësitit të GRU për operacione sekrete 29155, ishte në zyrën e tij në selinë e shërbimit sekret ushtarak rus në Moskë.

Po në këtë ditë edhe Bellingcat, partneri i tij rus The Insider kanë publikuar hetimin për identitetet sekrete të “Ruslana Boširova” dhe “Aleksandra Petrova”, dy agjente sekrete të GRU që janë implikuar në helmimin e Sergej dhe Julije Skripal në Salisbury të Anglisë.

Hetimi ka zbuluar se aktivitetet e GRU, ku gjatë gati një dhjetëvjeçari kjo Agjenci ka furnizuar spiunët e saj me dokumente udhëtimi të falsifikuara por vazhdimisht me numër serik, duke ju mundësuar kështu gazetarëve investigativ që erdhën tek kjo e dhënë në tregun e zi rus të zbulojnë agjentët e tjerë rus, duke përcjellë numrin e serisë së pasaportave.

Pas publikimit të Bellingcat, Averjanov mori disa thirrje telefonike nga shefi, drejtor i GRU, Igor Kostjukov. Vetë Averjanov kontaktoi shumë prej vartësve të tij që përdorin pasaportat në fjalë, duke përfshirë dhe dy agjentët e implikuar në grusht shtetin e pasuksesshëm në Mal të Zi, në vitin 2016.

Personi i cili thirri në mesnatë, ishte shefi i GRU i Departamentit 5, departament  ky pak i njohur, i cili nën identitetin e rremë dërgonte spiunë ushtarak në gjithë botën. Dy oficer të GRU biseduan për më shumë se dy minuta.

Ditën e nesërme, 15 shtator 2018, gruaja me një emër të gjatë që tingëllon si latinoamerikan, e bleu biletën vetëm vajtje nga Napoli drejt Moskës. Përreth dhjetë vjet ky personazh ka udhëtuar në gjithë botën si pjesëtare e shoqërisë elitare dhe kreatore e bizhuterisë, lindur në Peru. Më vonë, po këtë mbrëmje udhëtoi në Moskë dhe nuk dihet që nga ai moment nëse ka dalë jashtë Rusisë. Ka udhëtuar me një pasaportë e cila vetëm për një numër dallonte nga ajo me të cilën udhëtoi shefi i GRU në Britaninë e Madhe, vetëm gjashtë muaj më parë.

Maria Adela Kuhfeldt Rivera

Emri në pasaportën e saj ishte Maria Adela Kuhfeldt Rivera, e siç zbuloi Bellingcat, ishte agjente sekrete e GRU për të cilën miqtë e saj nga Zyra e NATO-s në Napoli besonin se është dizajnere e suksesshme e bizhuterive me një trashëgimi biografike dhe jetë personale kaotike.

Më 8 Gusht të vitit 2005, zyra e shërbimit të përgjithshëm të qarkut Independencia në Lim të Perusë mori kërkesën për regjistrimin e shtetases së re peruane  në bazën kombëtare të të dhënave të qytetarëve. Deklaroi se quhet Maria Adela Kuhfeldt Rivera, e avokatët e saj dorëzuan çertifikatën e lindjes nga libri i amzës së qytetit bregdetar Callao.

Sipas letrës nga zyra peruane e drejtorisë së përgjithshme, nëpunësi i cili kishte në duar çështjen e saj e la kërkesën në pritje dhe kërkoi dëshmi shtesë për lindjen e Maria Adelës. Më pas avokatët e saj dorëzuan dokumente shtesë: vërtetimin për celebrim nga Cristo Liberador në Callau.

Nëpunësi në Lim ende nuk ishte i bindur dhe iu drejtua priftit në Ipeshkvinë Cristo Liberador, Joséu Enriqueu Herreri Quirogi. Për fatin e keq të Maria Adelës, priftit nuk iu desht të vërifikoj dokumentat kishtare për ta konfirmuar se dokumentet ishin të falsifikuara. Kishte nderin të ishte themelues dhe prift inaugurues në këtë kishë e cila është themeluar në vitin 1987, nëntë vjet pas gjoja celebrimit të Maria Adelës.

Edhe pse marrja e shtetësisë së Maria Adelës dështoi, komandantët e saj nga GRU, sipas të gjitha gjasave duke mos e ditur se qeveria peruane do të publikoj gjithë rastin, vendosën të qëndrojnë me këtë identitet të spiunes së tyre. 

Pasaporta e parë ruse

Sidoqoftë, Maria Adela mori pasaportën e saj të parë ruse në vitin 2006, duke përdorur po atë emër dhe datën e lindjes. Sipas identitetit të ideuar për të, ajo punoi në Universitetin shtetëror të Moskës dhe jetoi në një adresë moskovite nga viti 2010. Njerëzit që jetuan atje i thanë Bellingcatit se kurrë nuk kanë dëgjuar për të.

Pasaporta ruse e lëshuar për Maria Adelën i takonte serisë të cilën GRU e ka lëshuar për të paktën gjashtë spiunë, duke përfshirë këtu një oficer të akuzuar për helmimin e prodhuesit bullgar të armatimit, Emiliano Gebrev, si dhe një oficer të implikuar në helmimin e Sergej Skripalit. Bazuar në numrat serik të pasaportave dhe datës së lëshimit të pasaportave tjera, mund të konstatohet se Maria Adela i ka marrë dokumentet e saj personlae  ruse në muajin nëntor ose dhjetor të vitit 2006, pak para se Ministria e Drejtësisë publikisht të rrëzoj identitetin e saj, ndonëse në një web faqe e cila nuk vizitohet dhe aq. 

Bazuar në intervistat e katër personave me të cilët Maria Adela është miqësuar në dhjetëvjetorin e ardhshëm, ajo kështu ka rrëfyer mbi emrin e saj dhe prejardhjen: ishte fëmijë i një dashurie në mes të një gjermani dhe një peruaneje, ndërsa ka lindur në Peru. E ëma e saj ka udhëtuar drejt Bashkimit Sovjetik në vitin 1980 për të marrë pjesë në Lojërat Olimpike në Moskë. Mirëpo, e ëma e saj mori një mesazh që urgjentisht të kthehet në shtëpi, dhe ajo e la Maria Adelën e vogël tek një familje sovjetike me të cilën ajo ishte miqësuar. 

E ëma e saj nuk u kthye kurrë, e Maria Adela u rritë në Rusi. Kishte një fëmijëri të vështirë, madje ishte keqtrajtuar. Kjo ishte arsyeja pse nuk deshi të jetoj në Rusi dhe as të martohet me një rus, por deshi të vendoset në Evropën perëndimore. Në rrjetet social ka shumë fotografi që tregojnë mbi vizitat e saj në Maltë dhe Romë në periudhën në mes të viteve 2009 dhe 2011

U zhvendos në Itali

Ish-redaktorja e revistës britanike “Cosmopolitan”, Marcelle D’Argy Smith, u bë mikeshë e afërt me Maria Adelën të cilën e njohu në verën e vitit 2010 në Maltë.

Maria Adela jetonë në Maltë me të dashurin e saj, por në një moment u zhvendos në Osti afër Romës, për të ndjekur kurset e gemologjisë.

Pasaporta me të cilën Maria Adela udhëtonte në atë kohë ishte lëshuar në gushtin e vitit 2011 dhe kishte numrin serik 643258050, vetëm disa numra larg nga pasaporta e Sergej Fedotovit, njërit prej oficerëve të lartë të njësitit GRU për operacione sekrete 29155.

Në korrikun e vitit 2012, Maria Adela martohet me njeriun për të cilin miqve u fliste se është italian. Në fakt, me pasaportë italiane, bashkëshorti i saj kishte nënshtetësi ekuadoriane dhe ruse dhe kishte lindur në Moskë prej nënës ruse dhe babait ekuadorian.

Të dhënat e zbuluara, kryesisht nga profili i bashkëshortit në rrjetet sociale, tregojnë se në prillin e vitit 2012, para celebrimit të tyre, ai  mori pasaportë ruse nga Ambasada e Rusisë në Ekuador. Pasi celebrimi u regjistrua në Romë, bashkëshorti i Adelës udhëtoi drejt Moskës ku në shtator të vitit 2012 mori niptin rus.

Një vjet më vonë sërish udhëtoi drejt Moskës, këtë radhë pa Maria Adelën. Vdiq në Moskë më 13 korrik të vitit 2013 në moshën 30 vjeçare ndërsa në çertifikatën e vdekjes si shkak i vdekjes theksohet “inflamacioni i dyfishtë i mushkërive dhe lupusi sistemik”. Maria Adela nuk ishte në Rusi me rastin e vdekjes së bashkëshortit, e në Moskë arriti vetëm pas një muaji.

Regjistron kompaninë

Miku i tij i ngushtë i cili pranoi të flas për The Insider me kushtin që të ngelet anonim për shkak të sigurisë së tij personale, ishte i habitur kur mori vesh se ai është martuar. Në fakt, për këtë nuk ka folur me miqtë e tij, dhe mendon se ka pranuar të martohet vetëm për interes, në mënyrë që ti ndihmoj dikujt për të marrë pasaportë europiane.

Pas martesës, në fillim të vitit 2013 Maria Adela regjistron kompaninë e saj në Itali – Serein SRL, e cila merrej me prodhimin dhe tregtimin e bizhuterive  dhe gjërave të luksit. Nga leja e qëndrimit të lëshuar nga policia e Napolit, shihet se në tetorin e vitit 2015 ajo është transferuar në bllokun elitar Posillipo me pamje nga gjiri i Napolit.

Në Napoli, kaerriera e Maria Adelës si spiune ruse arrin kulmin…

Vijon