Sponsorizues i informalitetit/ Vjedhjet, Basha: Ja rekordet e e Edi Ramës…

Ndërkohë që vazhdon aksioni antiinformalitetit ashtu si edhe propaganda qeveritare mbi suksesin e këtij aksioni, Kryetari i Partisë Demokratike, Lulzim Basha, ka akuzuar Kryeministrin Edi Rama si sponsorizuesin dhe përfituesin kryesor të informalitetit, i cili miratoi me ligj favore, grabitje dhe vjedhje për klientët dhe oligarkët e tij, ndërkohë që rëndon me taksa dhe tarifa sipërmarrjet e vogla dhe të mesme.

“Dhuna e gjobave dhe sekuestrimeve ndaj sipërmarrjeve të vogla që sigurojnë mbijetesën e shumicës së familjeve shqiptare, bëhet për të grabitur paratë e tyre për të financuar babëzinë dhe lluksin e Hajdutit Psiqik dhe klientëve të tij milionerë,” tha Lulzim Basha duke reaguar përmes rrjetit social Facebook duke shtuar se me ta ai vjedh të gjithë buxhetin e shtetit me kontrata dhe koncesione kriminale, me ta vjedh pasuritë e shqiptarëve nga nafta te bregdeti, lumenjtë pyjet dhe trojet publike e private, ndërsa renditi dhe rekordet e vjedhjeve të Edi Ramës vetëm për 6 muaj.

Ja rekordet e vjedhjeve të Hajdutit Psiqik këto 6 muaj:

Për 6 muaj, në arkën e shtetit mungojnë 63 milionë euro nga TVSH, treguesi kryesor i ekonomisë.

Nga taksat nacionale, doganore dhe akcizat, në 6 muaj,mungojnë 25.2 milionë euro.

Oligarkët dhe klientët e Edi Ramës vjedhin dhe pasurohen me kontrabandën e karburantit, cigareve dhe naftës.

Në 6 muajt e parë 2019 janë zhdoganuar:

– 14 mijë ton më pak karburant

– 32 tonë më pak cigare

– 292 tonë më pak kafe

se e njëjta periudhë e vitit të kaluar!