“Sqarimi i DSIK”/ Reagimi, Noka: DSIK, vegël politike në duart e Edi Ramës!
Pasi Drejtoria e Sigurisë për Informacionin e Klasifikuar, DSIK, ka sqaruar procedurën që është ndjekur nga ky institucion për lëshimin e çertifikatës së sigurisë për Gent Cakajn, të cilin Presidenti Ilir Meta nuk e konsideroi proces të mirëfilltë verifikimi, reagon Ish-ministri i Brendshëm dhe deputeti i Partisë Demokratike, Flamur Noka, duke theksuar se DSIK pranoi vetë se është në shkelje të ligjit dhe një vegël politike në duart e Edi Ramës.
“Nuk ka asnjë mundësi reale që një person të verifikohet për 24 orë në dy shtete. Shkelja e ligjit është e padiskutueshme në të gjithë procedurën e ndjekur nga DSIK me urdhrin e Edi Ramës,” vlerëson Flamur Noka duke shtuar:
“Rasti Cakaj tregoi se Edi Rama e ka shndërruar DSIK në një kioskë dizinformuese dhe lavatriçe te punëve të pista të qeverisë, duke rrënuar seriozitetin e shtetit shqiptar në sytë e partnerëve ndërkombëtar.”
Ky veprim i Drejtorisë e Sigurisë për Informacionin e Klasifikuar, të cilin e bëri publik Presidenti, duke cenuar marrëdhënien me NATO-n dhe nuk e ka shqetësuar fare DSIK-n, për deputetin e Partisë Demokratike dëshmon se si administrohet sekreri shtetëro nga një shteti anëtar i Aleancës Veriatlantike:
“Në vend që partnerët të na shohin si një shtet serioz, Edi Rama u tregon atyre se sekreti shtetëror i një vendi të NATO-s administrohet në mënyrë banditeske për interesa thellësiht personale dhe shpesh herë, kundër interesit kombëtar.”
Reagimi i plotë:
DSIK pranoi vete e zeza mbi te bardhe se eshte ne shkelje te ligjit dhe nje vegel politike ne duart e Edi Rames.
Drejtoria e Sigurise per Informacionin e Klasifikuar pranoi qe me te preferuarin e Edi Rames beri ate qe nuk e ka bere per asnje zyrtar qe duhet te pajiset me certifikate sigurie: e verifikoi brenda 24 oreve.
Nuk ka asnje mundesi reale qe nje person te verifikohet per 24 ore ne dy shtete. Shkelja e ligjit eshte e padiskutueshme ne te gjithe proceduren e ndjekur nga DSIK me urdhrin e Edi Rames.
Rasti Cakaj tregoi se Edi Rama e ka shnderruar DSIK ne nje kioske dizinformuese dhe lavatrice te puneve te pista te qeverise, duke rrenuar seriozitetin e shtetit shqiptar ne syte e partnereve nderkombetar. Ne vend qe partneret te na shohin si nje shtet serioz, Edi Rama u tregon atyre se sekreti shteteror i nje vendi te NATO-administrohet ne menyre banditeske per interesa thellesiht personale dhe shpesh here, kunder interesit kombetar.
