Sqarohen rrethanat/ Para Dekretit, Meta: Drekë me Ramën, n’telefon me Bashën…

Pasi kërkesa e Partisë Socialiste për shkarkimin e Presidentit të Republikës u miratua nga Konferenca e Kryetarëve, dhe Kryetari i Parlamentit, Gramoz Ruçi e firmosi Rendin e Ditës për seancën e së enjtes, me debatin dhe mocionin e shkarkimit , Ilir Meta doli në një seancë të jashtëzakonshme duke shprehur fillimisht habinë se pse kërkohet shkarkimi i tij sqaroi rrethanat deri në firmosjen e Dekretit dhe anulimin e datës së zgjedhjeve 30 Qershor.   

Me Kushtetutë në dorë ai foli edhe për disa variante të përkthyera të Kushtetutës por për këtë, një të vetme, që është Zyrater dhe në fuqi, shkelje të Kushtetutës nuk ka.

Me këtë rast foli edhe për informacione që kishte nga organet ligjzbatuese dhe aleatët mbi mundësinë e shpërthimit të trazirave, para se ta firmoste Dekretin.

Akuzat e mazhorancës mbi takimet sekrete me Sali Berishën I hodhi poshtë duke theksuar se ai takohet rregullisht ashtu si edhe në dreka dhe kurrë nuk janë bërë sekrete. Por e pranoi se kishte një drekë secrete me Kryeministrin Edi Rama disa ditë para firmosjes së Dekretit, ndërsa Lulzim Bashën e kishte informuar 15 minuta pasi kishte marrë vendimin, dhe pak çaste para se të fillonte protesta e 8 Qershorit ku i kishte kërkuar që ta ndëprente.

”Në datë 8 Qershor me përgjegjësi të lartë kombëtare, bëra shfuqizimin e dekretit të Presidentit për datën e zgjedhjeve. Nga informacionet e marra si kryetar i shtetit, kisha informacion se do ndodhin trazira gjatë këtij tubimi. Kam parë akuza, interpretime nga konstitucionalistësh, se kam shkelur kushtetutën

Duke ditur shumë mirë se në Tiranë ka disa modele të tekstit të Kushtetutës, disa të përkthyera gabim, jam i detyruar të dal sërish sot. Ata që kanë lexuar një tekst të përkthyer keq, ju bëj më dije se Kushtetuta zyrtare dhe në fuqi është kjo që kam.

Kushtetuta përcakton qartë më ditë dhe më muaj kur zhvillohen zgjedhjet, detajet formale i ka Kodi Zgjedhor. Partitë politike ne disa raste kanë ndryshuar Kodin dhe Kushtetutën brenda natës.

Si shpjegohet që Presidentët që kanë shfuqizuar dekretet përpara, nuk janë akuzuar për shkeljen e Kushtetutës. Paraardhësit e mijë nuk e kanë shkelur Kushtetutën, por e kanë bërë atë në interes të stabilitetit të vendit. Është diskutuar se më parë me lejen e partive politike presidenti, mund ta ndryshojë datën e zgjedhjeve. Pra sipas tyre Presidenti të marrë leje nga partitë politike për të qenë në rregull me Kushtetutën.

Republika nuk është monopartitizëm, republika nuk mund të jetë as kapje totale nga ana e maxhorancës dhe as delegjitimimi i tyre nga ana e opozitës. Zgjedhjet do të zhvillohen në një datë të mëvonshme,” tha Ilir Meta ndërsa për shkarkimin e tij për të cilin flet mazhoranca, tha se ai vetë ishte ofruar që ta lërë këtë post në rast se shërben për të zgjidhur krizën:

“Shkarkimi? Unë nuk e kuptoj, unë jam vetë ofruar, për ta lënë këtë detyrë, postin tim edhe gjithmonë i gatshëm që kjo sakrificë të bëhet në emër të një zgjidhje të kësaj krize dhe të një garancie se gjithçka do të funksionojë normalisht. Nuk e kuptoj a i intereson zgjidhja e krizës apo ikja e Presidentit, se nëse i intereson ikja e Presidentit kjo është shumë e thjeshtë.”

Sqaroi edhe akuzat se ishte ndikuar nga Sali Berisha dhe Monika Kryemadhi për shtyrë datën e zgjedhjeve ndërkohë theksoi se qëllimi kryesor ishte për të çtensionuar situatën në mianifestimin e e opozitës, që sipas kreut të shtetit kishte informacione për akte dhune:

“A influencoi në vendimit nga Basha dhe Berisha, ja po shtoj edhe Monikën? Ja po e shtoj dhe një politikan me provojë po thoshte që Presidenti e ka bërë për t’i shërbyer opozitës. Ky vendimi shërben kësaj partie që të përgatitet në kohë.

Zoti Basha e ka marrë vesh vetëm në orën 19: 15 të momentit të fillimit të mitingut përmes një telefonate zyrtare dhe për dijeninë tuaj zoti Basha nuk e ka ditur, që telefonata është regjistruar përmes sekretarisë telefonike.

Zotit Basha i është kërkuar që të ndërpritet mitingu në çdo moment që vendimi për të shfuqizuar zgjedhjet në mënyrë që të ç’tensionohej sa më shumë manifestimi apo grupet e caktuara.  Që të përfundonte sa me shpejt ai manifestim.

Ky vendim nuk behet për të plotësuar tekat e opozitës, por opozita ka çështje mjaft të drejta që i ngre, që i kam përkrahur edhe në pozitat e kryetarit të Parlamentit dhe kryetarit të LSI-së.

Po ashtu dhe opozita ka dhe tekat e saj. S’jam për të plotësuar taksat e opozitës, por as për të toleruar që Shqipëria përveç datave mjaft problematike që ka në historinë e saj, që nga 2 prilli, 26 maji, apo 14 shtatori, apo 21 janari të kishte dhe 30 qershorin,” tha Meta duke treguar se kishte bërë të pamundurën për të zgjidhur krizën, ndërsa foli edhe për drekën sekrete me Ramën që kishte zhvilluar para anulimit të datës së zgjedhjeve 30 Qershor:

“Kemi pasur një drekë sekrete, e fundit para 10 ditësh në Pallatin e Brigadave ku kemi biseduar dhe ai e di shumë mirë sa i shqetësuar jam unë për këtë situatë dhe tejkalimin e saj. I takonte atij të kërkonte datë tjetër për zgjedhjet. Prandaj Rama ka deklaruar se nuk ishte i surprizuar nga vendimi im.”

Por e pranon se është çuditur kur e ka parë Edi Ramën TV kur u shprehë se nuk e vë në diskutim 30 Qershorin:

“Që në 24 maj dhe publikisht kam shprehur gatishmërinë time për ti shërbyer një zgjidhje pas dakordësimit të palëve për të shfuqizuar datën 30 qershor e për të gjetur zgjidhje për një datë tjetër. Kjo kërkesë e imja nuk ka funksionuar, dhe dy tre ditë para se të merrej ky vendim Rama ka qenë ne TV dhe ka bërë të qartë se nuk e vë në diskutim 30 qershorin. S’kam bërë tentativë për të komunikuar me të ditë më ka nderuar duke vizituar Skraparin. E vërteta është se kam bërë përpjekje për të komunikuar me Ruçin, por ka qenë duke udhëtuar drejt Tepelenës, kjo është historia pse Rama s’ka qenë i surprizuar, unë kam qenë me reagimin e tij. Mëgjithatë ka kohë të reflektojë.”

Ndërkohë kishte një përgjigje të prerë si për akuzat e konfliktit të interest që kishte me Monikën ashtu dhe pavlefshmëritë që për dy shpiku mazhoranca duke u nisur nga KQZ e deri tek komenetet mbi Gjykatën Administrative:

“Mos u bëni qesharakë, në Repubikë ka një institucion që i shpall zgjedhjet. Mos u lodhni kot duke shpikur institucione të tjera. Vendimet e tij i gjykon vetëm Gjykata Kushtetuese. Po zgjedhje s’ka dhe s’do të ketë pa dekretin e Presidentit.”

I pyetur nëse do të iniconte një Tryezë me partitë politike në kërkim të zgjidhjes së krizës politike, Presidenti u përgjigjj me batutë:

“Nëse nuk shkarkohem!”

Dhe në fund, për të gjithë ata që nuk e kanë kuptuar se njeriu më i afërt i Edi Ramës në politikë është Ilir Meta, ai këtë e sqaroi duke I dhënë përgjigje akuzës së Kryeministrit se vendimi i tij erdhi se kishte frikë nga Reforma në Drejtësi:

“Nëse ka një njeri që e di që unë s’kam frikë është Rama. Unë kam frikë vetëm nga përgjegjësia para popullit dhe nga detyrat që kam. Dhe detyra që kam është shumë e lartë. Reforma në drejtësi nëse u miratua me konsensus  e ka falë ndërhyrjeve që kam bërë për atë konsensus se ndryshe sot Shqipëria as rekomandimin për nisje të negociatave nuk do e kishte.”