Munich, sqarohet identiteti i të vrarit nga policia

Policia ka vrarë një person të armatosur në afërsi të konsullatës izraelite. Data përkon me Masakrën e Munichut 1972

Personi i cili u qëllua për vdekje nga policia në Munichut ishte një shtetas austriak, me prejardhje nga Bosnja. Sipas agjencisë austriake të lajmeve APA, bëhet fjalë për një 18-vjeçar, që njihej nga autoritetet austriake për lidhje me islamizmin radikal. 

I dyshuari hapi zjarr pranë Qendrës Dokumentare për Nazizmin në Munich, dhe si pasojë u qëllua për vdekje nga policia. Kjo qendër ndodhet pranë Konsullatës Izraelite dhe Qendrës Dokumentare për Nazizmin.

Policia e Munichut ndërmori masa të rrepta sigurie, duke vendosur një perimetër të kontrolluar dhe duke përdorur forca speciale për të hetuar situatën, raporton DW.

Data përkon me përvjetorin e masakrës së Munichut 1972

Incidenti përkon me një datë të ndjeshme, përvjetorin e sulmit terrorist të Lojërave Olimpike të Munichut 1972, kur një grup terrorist palestinez vrau dy sportistë izraelitë dhe mori peng nëntë të tjerë, të cilët u vranë më pas gjatë një përpjekjeje për shpëtim.

Ministrja e Brendshme e Gjermanisë, Nancy Faeser, e përshkroi këtë ngjarje si shumë serioze. “Është një incident shumë serioz”, deklaroi ajo dhe falënderoi policinë e Munichut për reagimin e shpejtë. Ajo theksoi se “Mbrojtja e institucioneve hebraike dhe izraelite ka përparësinë më të lartë”.

Konsullja e Përgjithshme e Izraelit për Gjermaninë Jugore, Talya Lador-Fresher, raporton DW, gjithashtu reagoi duke thënë: “Ky incident tregon se sa i rrezikshëm është antisemitizmi në rritje. Është e rëndësishme që publiku të ngrejë zërin kundër kësaj dukurie”.