“Sqaron Parisin”/ Për Reformën Zgjedhore, Rama: Do heshtim edhe sot!

Kryeministri ka vendosur të sqarohet 24 orë pas akuzave të opozitës për fundjavë luksi të Edi Ramës në Paris ndërsa për Reformën Zgjedhore dhe kundërshtimet e mazhorancës për identifikimin biometrik që kërkon Opozita e Bashkuar në Këshillin Politik, tha se do të heshtë edhe sot një ditë pas dështimit për një kompromis dhe shkeljes së afatit 31 maj pasi pritet të mbahet edhe një takim i këtij Këshilli.

“Unë s’jam në Francë po në Shqipëri qysh pardje! Kam shkuar pasditen e të premtes e jam kthyer mesditën e të shtunës për një vizitë informale të nivelit të lartë dhe “shpenzimet e luksit e të fundjavave jashtë” ua kam lënë atyre që të vetmen punë kanë të më shajnê ditë-natë! Pikë,” tha Edi Rama në reagimin e tij përmes rrjetit social Twitter ndërsa për dështimin e përpjekjeve të Këshillit Politik për ti dhënë fund Reformës në Drejtësi kishte një sqarim, kërcënim dhe përbuzje.

“Sa për Reformën Zgjedhore dhe dizinformimet që vazhdojnë, do të presim edhe sot pa folur pasi kemi bërë pjesën tonë duke respektuar afatin 31 maj! Sot kemi angazhuar edhe ushtrinë për operacionin e pastrimit të inerteve nga sheshet e Rindërtimit, ku shpejt do të nisin projektet.”

Ndryshe, pas dështimit të Këshillit Politik për përmbylljen e Reformës Zgjedhore dhe akuzave të Përfaqësuesëve të Opozitës së Bashkuar se Partia Socialiste nuk ishte sepse ata kishin ofruar konsensus, sot përveç Këshillit Politik do të zhvillohet edhe një takim i liderit të opozitës, Lulzim Basha me Ambasadorët e SHBA, BE dhe Britanisë së Madhe.