S’ka më “opozitë të rublave”, Rama nga Brukseli: Në Shqipëri askush nuk do t’ja dijë më për Rusinë!

Kryeministri Edi Rama duke folur sot në Bruksel rreth Samitit BE-Ballkani Perëndimor i cili u mbajt dje në Tiranë tha se ai i dha buzëqeshje Europës ndërsa e pranoi rrezikun rus që është real në rajon, gjatë fjalës së tij në kryeqytetin evropian u pa se ai nuk sheh më asgjëkundi “opozitë të rublave” në vendin që drejton ndërsa konstatoi se në Shqipëri askush nuk duan t’ja dinë më për Rusinë

“Kur më pyeti dikush pak kohë më parë ‘çfarë Shqipëria do t’i sjellë Europës’, i thashë ‘mund t’i sjellim pak buzëqeshje.’ Dje sollëm buzëqeshje në fytyrat e tyre. Ishin më mirë se sa kur mblidhen në Brukselin e mërzitshëm. Mendoj që është shumë më e thellë se sa ajo që duket,” tha Edi Rama duke e përsëritur edhe me këtë rast se Shqipëria është vendi më proevropian në kontinent ndërsa rrëfeu mbresat me rastin e fotografisë së përbashkët të Samitit:

“Ishte që fotoja në grup, zgjodhëm një mënyrë ndryshe dhe dëgjoja pas meje, shikoje diellin, sa diell i bukur. Ishte njësoj sikur njerëzit kishin dalë nga një shpellë dhe po i gëzoheshin diellit.

Ne jemi shumë besnik, shqiptarët e kam fjalën. Popullariteti i BE në Shqipëri është shumë i lartë dhe nuk e them unë.

Vendi më proevropian në kontinent. Ne kemi ardhur nga ferri por jo nga ferri francez por nga ferri i vertete, terezisht të izoluar. Jugosllavia ishte planeti i lirisë. Ne jemi këtu për të mbrotjur BE nga BE. Samiti ishte ngjarja më historike e marrëdhënieve me jashtë të Shqipërisë.”

I pashmangshëm ishte debati për Rusinë dhe ndikimin në Ballkan, ku ndryshe nga bashkëbiseduesit që kishte, dhe ndryshe nga artikulimi në Parlamentin e Shqipërisë, sot Kryeministri i Shqipërisë e mohoi në Bruksel të ketë “opozitë të rublave” duke u shprehur se askush në Shqipëri nuk duan t’ja dinë më për Rusinë.

“Nëse fton njerëz nga Ballkani duhet t’ju japësh kohë që të flasin pafund. Të gjithë mund të ikin, ne mund të vazhdojmë të flasim, sepse liria e fjalës ishte kaq e ndaluar, ne vijmë nga ferri. Atë ferr s’mund ta imagjinosh. Ajo çfarë tha e Abazi ka të bëjë me dobësitë, cenueshmëritë, në vendet e tyre ndikimi rus është i pranishëm dhe rreziku rus është real.

Në Shqipëri askush nuk duan t’ja dinë më për Rusinë se kishin Stalinin deri në 90. E hoqën qafe më parë tani po i hyn nga dera e pasme, kjo është arsyeja pse rajoni duhet të mbahet bashkë dhe të rrijë bashkë dhe BE me rajonin sepse ekzistojnë këto shtresa të ndikimit rus të cilat janë shumë aktive. Me një qasje jo aktive nga BE gjërat mund të kthehen në telash. Prandaj duhet të jemi bashkë,” tha Kryeministri Edi Rama duke mos harruar ti bëjë avokatinë dhe Serbisë së Aleksandar Vuçiçit ku i dha një not shembullore për sjelljen e saj ndaj Rusisë në OKB.

“Është shumë thelbësore që edhe Serbia është e përfshirë deri tani, jo plotësisht ku flasim për sanksionet, por kur vjen puna për të mbajtur të njëjtën linjë me Kombet e Bashkuara është mirëfilli pjesë. Kur vjen fjala për ne nuk ka problem, mund të na fusin, mund të na lënë tek dera. Ne nuk do të heqim dorë, mund të na lini tek dera por ne nuk do të heqim dorë.

Mos na thoni gjithë kohës që duam të martohemi por s’duam të flasim se është çmenduri. Le të flasim njëherë pastaj të martohemi, unë jam martuar vonë meqë ra fjala. Unë e di që mund të shkojë shumë mirë në një bashkëjetesë paqësore deri në martesë. Tani duhet të krijojmë mekanizma afrimi që nuk janë të kushtëzuara nga detyrat individuale.”

Ndryshe, për të diskutuar mbi Samitin BE-Ballkani Perëndimor në Bruksel ishin ftuar dhe Presidenti i Maqedonisë së Veriut, Stevo Pendarovski dhe Kryeministri i Malit të Zi, Dritan Abazoviç.